هنا

[سامي المشكور]

............................
ابيك آنة وابد ماكول.. مابيك
يل كلك محنة وشين .. مابيك
غبت عني واكول شبيك .. مابيك
من اغيبن هم يظل بالك عليه

...................................
اشكثر خوان راحت ...... ماردتلي
انشلع كلبي وجبدتي .... ماردتلي
غير الخير انته ....... ماردتلي
شح الخير من فركاك الية

................................
ذهب صافي طبعنة...... ما صدينة
وابد عن اليودنة .....ما صدينة
تصيد الناس واحنة.... ما صدينة
رغم نفس المكان انذب سوية

...............................
الوكت وياي ياصاحب ولك مال

وكضيت العمر لاناجح ولكمال

حتى الجان يوصلني ولك مل

كطع جيته ولا ينشد عليه

................................
اريد اليوم ابين الضام والضم
يالمنهم عذاب الروح والضيم
حبل حبك اضل بي اشد والضم
واخيط بي فتك ثوب الاذية

.................................
بوسـط دلالي نامــي - وانتي ظلي
واذا حُبـــي ظلالــه - انتي ظلي
اشوفچ ؟ وين اشوفچ - وانتي ظلي
اذا جوه الضـــوّه تصيريــن بيه

[غسق]

عاشت ايدك على البوذيات كلش حلوة

[سامي المشكور]

اخت غسق
شكرا لك

[مس ليدي]

حلوات عاشت الايادي