هنا

[أنثى حائرة]

السلام عليكم
بدايتا استشارتني احد الصديقات في مشكله لها وهيه انها انخطبة لاقاربها ورفسخة الخطبه واهلها كلش شدوا عليها لانها رفضته بعد ما عقدوا ووالدها متوفي وهيه تعيش مع اهل والدها اعمامها يعني وهم قاسين عليها جدا ولما اتقدم الها شخص قبلوه وانا شخصيا كنت وحده من الاقنعوها بيه وبعد عقد القران في المحكمه رجعت تبكي ومتريده وهو كلش احبها وهيه مطلعة عينها باشتائم والرفض ودائما تتكلم عليه مو بصورة جيده امامه وهو ولا على باله ومو مهتم وقبل يومين اتفقوا ع فسخ الخطوبه بس المشكله هيه انه ماكو حجه مقنعه اتبين انه هو الرايد الفسخ لان لو يعرفوا اعمامها هيه الرلاافضه هيعذبوها اضعاف السابق وهو قال لها انتي اختاري حجه مقنعه تكون طالعه مني مبينه واني جاهز!!!!!!

مع العلم انه انا احس انه ديكذب لان مراح يعوفها لان كل الدنيا تعرفه يحبها وهيه مو قابله عليه مع العلم هو مهندس وهيه ثالث متوسط بس جميله ومن عائله وهو وضعه المادي جيد جدا وجميل وما بيه عيب حسب رايي


ارجوا تقديم اقتراحاتكم....وهو كيف سيقول لاهلها انه يريد هو اليفسخ بحجم مقنعه تبين هو الرافضها ؟؟

[سدن]

اولا هاي صديقتج طفلة وماتعرف تفكر وهاي السوالف جبيرة عليه
وثانيا من الافضل اذا كان الولد زين ورايده فليش ترفض ..فخليه تفكر زين بالموضوع واحتمال الزواج ارحم من اهله اذا همه صدك مو زينين وياه ..والولد يحبه فليش الرفض ..
وثالثا اذا هي مصرة على فسخ الخطوبة ...برأيي الولد يحاجي اهله ويكللهم انه تراجع عن الخطوبة لان ماكو انسجام بينه وبين البنية ومامتفاهمين وهي اصغر مني بهواي واني اريد بنية بعمري ومكملة دراستها ..ومن هذا الحجي ...وخلي يكللهم انه بتكم مابيه نقص ومؤدبة ومن عائلة وألف واحد يتمناه بس هي مو مال زواج لإن صغيرة وخلوه تكمل دراسة ...ومن هذا الحجي ..
بلكت يوافقون اهله وتنتهي القصة
بس اكرر مرة ثانية انه خليه تفكر بالموضوع قبل خراب البصرة

[العراقية.]

ليش اذا هو بكل هاي المواصفات ويحبها اكيد راح يداريها وتخلص من العيشة الصعبه الا اذا جانت حاطة احد ابالها ورافضته لهذا السبب _

[ليديا]

خليها تعمل استخارة وتشد عليها كثيرا وربي يكتب لها الي فيه خير

فاما يهدي قلبها واما يبعده عنها دون اي ضرر عليها

لان من توكل على الله فهو حسبه