( كلمن يبشرني )
كلمن يبشرني ويجيب اخباره انطي عمري وكل حياتي ابشاره
انشد عن ابوي حسين وين الي الي يكلي وين
انطي عمري وكل حياتي ابشاره
اباب الدار اناطر لا ضعينه اتفوت لا طارش يجيب اجواب
كل ساعه يتخاطف شبح ملك الموت واجفل والكلب يرتاب
اشعر داري مو داري احس تابوت وحشه بغيبة الاحباب
حرت ويامن احجي ياهو يسمع صوت كمت احجي وي ريح الهاب
يريح الهاب وياك وديني ازور احباب غياب عن عيني
سفرهم طال وانه بهالحال ازور احباب احباب غياب عن عيني
عكبهم وحشه دنياي وليالي البين اباريها بجف ساهر
غدة يصبحني ويمسيني دمع العين وبات بكسرة الخاطر
شريدات الظنون اتكول ابوج حسين يجيج اليوم لو باجر
خفك جنح البرائه وصحت كاصد وين لونك رايد اتهاجر
كبل متروح وتهاجر يطير الصاف تانيني اخذني
وياك لاحبابي على الجنحان خليني
ادور وين ابوي حسين
ذهيلة راي اعيشاً والفكر شارد يجيني الموت ياريته
العمر شيفيد وانه بحسرة الوالي يظل يمي تمنيته
رزم ضعن النبوة وللسفر كاصد توجه وين مدريته
حين الشفت ابوي بالظعن راشد كبل ميروح ناديته
يمسافر وين اتريد لا ترحل عني بعيد
مااكدر اتصبر لا ترحل عني بعيد
الرواحل راحله كل اهلي وخواني دليلي عالضعينه يحوم
حزينه وعكب الاكبر حزني خاواني رافكني العتب واللوم
اكومن واكعد وي همومي واحزاني آه ياحسرة المهموم
زماني عاليقره الفال وداني صحت لا يازمان الشوم
ماعندي شك ولا ريب بس ربي يعلم بالغيب
طفله وعليله بكل حال ماصدك الياخذ فال
عليله وكلبي اصبح مسكن اللوعات بي سكنت غصص دهري
عكب عبد الله ناغاني لهيب الذات وهز مهده بجمر قهري
بهضم روحي تشيع نعش صبري المات قريت الفاتحه الصبري
يكابر كلبي وانه بعالم الاهات اصيحن والدمع يجري
يكلبي يصابر عليمن تكابر بعد ليله وحده حبيبك يهاجر
شيطيب جراحك ويطلعت صباحك حبيبك يهاجر
لمن يبشرني ويجيب اخباره انطي عمري وكل حياتي ابشاره
رد مع اقتباس
