تأنيب الضمير .. ورة ساعة 12
سلام
طبعا اليوم نمت الظهر و كعدت بثمانية بالليل ... و اني مستمر صارلي كم يوم ادعفس بشغلات منا و منا خصوصا بقضية نقل المنتدى على غير مساحة و ما يتطلب هذا من تنسيق و بحوشة.. بس اشتغل بدون مشاعر .. يعني لا سعيد و لا حزين .. و لا اي شي ببالي .. عدا حب جاسم الزركاني طبعا .. المهم
بس قبل ساعة حوالي .. صارت فد حالة شدت مشاعري و طلعتني من جو (إنعدام المشاعر)
جنت ادور على مقالة أو ملف يشرح فد قضية معينة ببحث الكوكل .. و لكيت الرابط ممتاز يوديك على هذا الموقع
http://www.sitepoint.com/books/linux1/
اللي راح يروح على الرابط .. راح يشوف انه عارضين هذا الكتاب اللي اسمه
Run Your Own Web Server Using Linux & Apache
و بسعر 29 دولار
زيـــــــــن .. اني البطاقة مال الشراء يمي .. بس الفواتير توصل مباشرة لجاسم عن طريق الموبايل .. .. يعني من اشتري شي بالبطاقة .. رئسا تروح رسالة من مصرف الوركاء لجاسم عل موبايل ..تكلله تم صرف كذا مبلغ من حساب البطاقة إلى فلان شركة أو موقع، لذلك ..فكرت عدة مرات ..شلون اخللي جاسم ما يضوج .. و اقنعه أنه المبلغ اللي انصرف راح بمكانه؟؟
قبل كلشي ..لازم اشوف الكتاب شنو ما شنو .. و هم سامحيلك انه تنزل اول فصل من الكتاب مجانا Preview.. بس تدخل ايميلك .و يودولك رابط عل ايميل بيه فصل مجاني من الكتاب علمود تقرر شراءه أو لا
خلليت الايميل مالتي ... و انتظرت شوكت يوصلني الرابط عل ايميل ..علمود وراها اقرا الفصل المجاني .. و اشوف اشتري الكتاب لو لااااع
بينما جنت انتظر الايميل ..تلقائيا راحت ايدي على الـ 4shared (موقع تحميل الملفات).. و رحت كتبت بالبحث إسم الكتاب كامل .. و لكيت العالم منزله نفس الكتاب بحيث تكدر تحمله مباشرة بدون دفع و لا شي!!
صدك جذب .. راح اخلص من الـ 29 دولار .. و اخلص من جاسم اللي راح يدك و يلطم بس توصله الرسالة مال الشراء .. رحت و حملت الكتاب و فعلا طلع هو اللي اريده .. و هسة موجود عندي عل حاسبة
لحد هنا ..اني نفذت عملية سرقة الحقوق بقلب بارد .. بس المشكلة .. شوكت صارت ؟
ورة شوية .. بعد ما كملت قراءة جم فصل من الكتاب .. ..وصلني الايميل من الشركة مال الكتاب .. بيه الرابط مال الفصل المجاني... هذا الايميل:
Hello,
Thank you for visiting sitepoint.com. You entered your email
address in order to receive a free sample from SitePoint's title:
"Run Your Own Web Server Using Linux & Apache"
Your free sample chapters in PDF format are available at:
http://sitepoint.com/books/linux1/linux1-sample.pdf
After browsing through the sample chapters you can order the
full-length PDF directly from us (the publisher) for only
$29.95 USD at sitepoint.com.
Please note that we offer a 30 day no risk guarantee. If you
find the PDF in any way unsuitable, simply let us know and
we'll send a refund.
Purchase this PDF now from our online bookstore:
https://sitepoint.com/bookstore/go/28/70a6a6
If you have any problems opening the sample chapters or ordering
from our online store, please let me know.
باوعت عل كتاب اللي نزلته من الـ فور شير ..جانت النافذة مفتوحة مالته .. و باوعت عل ايميل .. شسوي بالايميل هسة ؟؟ الكتاب حملته مجانا ..و هذولي دزلي الايميل بيه معلومات كيفية شراء الكتاب .. و مدري شنو .. و مو بس هاي ..يكلولي عندك 30 يوم ..إذا شفت الكتاب ما يلائمك نرجعلك فلوسك
حقيقة ..انقهرت كلش عل جماعة ..خصوصا مثل ما تشوفون بالرابط الاول .. اثنينهم لابسين نظارات و تعبانين كلش بالكتاب .. اووووف ..ضميري هسة كلش يأنبني .. و ما اعرف شاسوي هسة .. لو متحمل لغوة جاسم و لطمه... هوااااااي احسن
كله من وراك جاسم عاااااااااااااا
رد مع اقتباس
المشاركة الأصلية كتبت بواسطة خــانتــ عيناك ــكي
