او زينب الليلـــه غريبه ياحسينإمنين إجتني هالمصيبه ياحسين
_________________
اندب بصوت المّلامه ياحسين
خُـــويه عفتولي يتامه ياحسين
وجّلجّل الليل ابظلامه ياحسين
موحيشة الليله وكئيبه امنين إجتني هالمصيبه
__________________
موحشة وتسّعر خيمنَّه ياحسين
وعالنهر طايـح عَلمَنّه ياحسين
ولا بُگه والي و يلمنَّه ياحسين
والله محنته رهيبه امنين إجتني هالمصيبه
_____________________
ريتــك اتشــاهد جمعنه ياحسين
اوفوگ قتلانه انجمعنه ياحسين
والله منظركــــم فجعنه ياحسين
بس جِثث ظلت خضيبه امنين إجتني هالمصيبه
______________________
لوجنّت هاليلـــه حاضر ياحسين
خُويه شوصفلك مَناظِر ياحسين
عَسن مَعّميّـــة النواظِر ياحسين
يابدر وانظر مغيِِِِبه * امنين إجتني هالمصيبه
_____________________
انْظُر وماتهـــــده ناري ياحسين
وحايرة إلمـــــن أداري ياحسين
تِنحب أطفالي إبْجِواري ياحسين
ياهُو الأ تحمل نحيبه * امنين إجتني هالمصيبه
______________________
وحده تندب وــين ابويه ياحسين
وحده تِنحب وين اخويه ياحسين
وحده تصــــرخ سلبونه ياحسين
وگلبي مايخمد لهيبه * امنين إجتني هالمصيبه
______________________
وشِفـــــت اُم عبدالله تِنعه ياحسين
إتحضنه وبصّدرده تشمه ياحسين
وصارت ابنحره ترضعه ياحسين
اتگله در ثديي حليبه * امنين إجتني هالمصيبه
______________________
يبن ابويه او صحتّ يمك * ويلي مِتخضبْ اْبدمك
أشحال گلبي وگــلُب أُمك * ضاقت ابعيني الرحيبه
امنين اجتني هالمصيبه
______________________
خُويه وّ يامَــــــن عِفتني * وِليّه عِدوانـك وِلتْنِي
ويلعب السُوط أعله متني * والله يبن امي عجيبه
امنين اجتني هالمصيبه
_____________________
دللتني ابكـــــــل حياتك * ماأظن بترضاها ذاتك
والشِمِر يضرب خواتك * وين ابوي منين اجِيبه
امنين اجتني هالمصيبه
_____________________
وين ابويه الليلة يحضر * خل يشوف شلون منظر
ذبحـــوا اهلي الله وكبر * وينه اليردنه اعْلّى طيبه
امنين اجتني هالمصيبه
رد مع اقتباس
المشاركة الأصلية كتبت بواسطة تقوى القلوب
