صدك هاليله اخر ليله وياك
صدك هاليله اخر ليله وياك
ومن الصبح باجر رايح انته
وصدك باجر اضل وحدي بالدار
شيضل بالدار اذا راحت شمعته
يضل مفتوح كلبي الكل الاحزان
اسد شلون اذا بابه كسرته
صدك باجر يابعد اهلي تسافر
ياربي شلون حط روحي بجنطته
ولك ياليل طول ليلك وزيد
ماريد الصبح يطلع عليه
اريد اكثر وكت اكضي وياك
ياليل الخاطري سويه اليه
تعال اكعد كبال العين بالعين
واحجي وياي خلصوتك اسمعه
وجهك خلي اغسله بماي الدموع
ابد ماريد تبقه بعيني دمعه
جيب ايدك حبيبي واخذ العيون
تره بلياك تبقى الدنيا ضلمه
اني ادري الصبح لورايد تروح
باول خطوه من الباب تعمه
هذه حالي اليوم
رد مع اقتباس
المشاركة الأصلية كتبت بواسطة wafaa ali
