السلام عليكم إلى اعضاء المنتدى كافه يؤلمني ويحزني هذا القول سوف انقطع عنكم ولم يعد بامكاني استخدام النت لان مثل ما يعرف بعض اعضاء المنتدى اني خلصت الخامس وداخله على السادس العلمي ومثل ما تعرفون انو طلاب السادس يدخلون معاهد بالعطله يعني مثل دورات التقويه وبكرة راح يكون اول يوم الي بالمعهد ماتصورون شكد حزينه اني هسه كاعدة لوحدي الساعه12:30 راح اشتاق لهذا المنتدى الرائع الي انا من اشد المحظوظين لان شاركت بيه احس انو بس ادخل واكتب اسمي ويظهر اسمي من بين الاعضاء بيه فخر كبير لي على الرغم من انو مشاركاتي بالمنتدى قليله بس احس نفسي بين عائله رائعه احبكم والله يا اسرة درر العراق واوعدكم انو راح احاول اسرق بعض الساعات وادخل للمنتدى وراح اتركلكم رساله بمقهى الاصدقاء وكل الي اريدة منكم هو الدعاء الله يساعدني واحقق حلمي الي احلم بيه من 12سنه وهو احصل معدل يدخلني كلية الطب حلم حياتي اعتذر اعتذار شديد من كل اعضاء المنتدى للتقصير اتجاههم واتمنى ان يسامحوني اعتذر من سامر.دالين.ايفا.علي الواسطي.رسول واكلهم يسامحوني على التقصير بس والله ضروفي كلش صعبه لذلك اني مكنت ازورهم على ملفاتهم وامام الجميع اعتذار وشكر خاص لاعظم صديق واخ عزيز رايته في حياتي وهو (ابو مريم :ايسر)حقيقه لقبه اسم على مسمى لانه حقيقه صديق بكل ما للكلمه من معنى وقف بجانبي وساعدني كثير في مواجهة كثير من المشاكل واعتذر منه لان ازعجته بكثرة اسئلتي واكوله سامحني والله لو شو ما صار بحياتي مراح انساكم كلكم وراح تظل اسمائكم محفورة في قلبي احبكم احبكم للابد واقول لكم الى اللقاء وليس وداعا عاشقتكم دوما وليس يوما سالي الحزينه
رد مع اقتباس
