هذه القصة حقيقية
في ايام العثمانيين في العراق
اكو سيد علوي مجند في الجيش العثماني بالغصب كباقي العراقيين في ذلك الوقت خدمة الزامية
السيد جان دائما يغيب لو يضرب على الاجازة ومن يلتحق يلزمة الضابط العثماني ويعاقبه
ذاك اليوم همين شرد السيد من الكتيبة ومن التحق كال الضابط جيبولياه
لزم العصا ويريد يضربه كالعادة
السيد كلة قبل لا تضربني اريد اسئلك سؤال
كلة اسئل
كلة انتة هم فد يوم بحياتك امسوي عمل زين صالح
كلا لا اني امنيلي اعمال زينة ليش تسئل
كلة اني من هربت رحت للحسين عليه السلام اشتكي عنده عليك
واخذتني غفوة ونمت هناك
واجاني الحسين عليه السلام
كالي انتة جان الك قصرين بالجنة والان الك قصر والذاك الضابط قصر
وهسة اني التحقت علمود اعرف انتة شسوي بحياتك من عمل عظيم
دمعت عين الضابط وكال
اى اى فد يوم جنت اني وجيشي بالصحراء وخلص الماء من عندنا ومات بعض الجنود وعطشت عطش الموت
فبذيج الساعة اتذكرت عطش الحسين وكلت اه لعد اشكد مظلوم الحسين عطشان وهو في حرب واني عطشان من غير حرب
كلة السيد سبحان الله الحسين لعد ما نسة مقولتك هاي
السلام عليك ابا عبد الله
بابي انت وامي
رد مع اقتباس
