للشاعر السيد سعيد الصافي
عشك عابس عشكناك .. نعيش نموت وياك
وعد صادق وعدنه ... عهد ثابت عهدنه
نعيش نموت وياك
_____________________
احنه لو يسألــــنه سائل ........ عن عشكنه اوقصته
يل عشكتوا حسين وانتم ........ ماحضيتوا بشوفته
اشلون لو جنتوا بزمانه ......... ابيوم أعلن صرخته
صحنه جاقــــــدمنه .......... دمــنه والمناحر فدوته
عليمن تدمع العين .... اذا ماشافت حسين
نجاوب من نشدنه ... عهد ثابت عهدنه
نعيش نموت وياك
____________________
هذا كل عاشك جوابه ......عن عقيدتنه السأل
كبل العيون الضماير ...... شافــته من الازل
للكرامة حســين حبه ..... بالحياة اروع مثل
فاطمة الزهراء أمه ...... والابو خـير العمل
نجاوب يالتنشدون .... شرط لازم تسمعون
دليل الكافي عدنه .... عهد ثابت عهدنه
_______________
يامن اتسميهه بدعه ..... او طائــفيه الظاهره
او يل تكول الشيعه ثلة ..... الجـاهله ومـتاخره
انته ما واصل لحبنه ...... ولاكــــــدرت تفسره
حبنه ناتج عن حقيقه ...... وشرف دنيه وآخره
نشامة وعبر الاجيال ...... ضربنه اروع أمثال
شرفنه ابمعتقدنه ...... عهد ثابت عهدنه
صحنه يحسين عله حبك ..... خل تلوم اللايمة
كلي ياعــــــاذل يــــأثر ..... عـالـعقول الهايمه
هاي من الباري نعــمه ..... وللقــيامة دايـمة
كل زمن شيعتك تلهج .... بالفخــــر والغانمه
رغم احقاد الاشرار ... طريقك ينجب احرار
عالغيره انولدنه .... عهد ثابت عهدنه
نموت نعيش وياك
ياحسين الباع دينه ..... ومذهب الشر مذهبه
ياعتاب ايهز ضميره ........ لو نريد انعاتــبه
هاي صرخات الضماير ...... عن سؤاله اتجاوبه
الله يلعن كل وهابي ...... والعـصـــــابه الناصبه
حقد كلما يفجرون ..... نتيجتهم يتعبون
بلد حيدر بلدنه ..... عهد ثابت عهدنه
احنه للحرية دمــنه ..... جـــــان يحسين الثمن
شيعتك منك اخذنه ..... ادروسنه بطول الزمن
ماتغــيرنه الاشـــاعه ...... والـــــيشيرون الفتن
وطن حامي الجار اسمه ...... ويفتخر هذا الوطن
قسمنه نضحي الارواح ..... وبعد مايرجع الراح
قصد واضح قصدنه ...... عهد ثابت عهدنه
نعيش نموت وياك
للشاعر السيد سعيد الصافي
رد مع اقتباس
المشاركة الأصلية كتبت بواسطة حيدر الطائي
