نزلة هذه الليله 3 محرم 1435
للشاعر علي الخفاجي ...
مجنون الحسين للشاعر الخفاجي
لتلوموني . لتلوموني .مجنون حسين يسموني
***
حسين اول چلمه عله لساني
محبوبي واغلا من العين
شـتـريد الدنـيه تـراوينـــــي
للـمـوت ومـاعـوف حسين
يــــانـاس ومـااتـرك دربـه
لـو گـطـعوا حـتى الچـفـيـن
مثل حسين اليجري بدمنه
بـهـذا العالـم يحصـل وين
ماتنهوني . ماتنهوني . عن هذا الحب ماتنهوني
(1)
ادرس هذا الحــب واتعلم
يالــرايد مـعـــنى الايــثار
احنه من حسـين اتـعلمنه
بهذا الحب نسحگ عالنار
شيعـة وعنـوان الحــريه
نمشي بدربه ومهما صار
والمهدي بسيفه يصفيها
من يظـهر ويصــيح الثار
متغيرون . متغيرون .
شيعي المبدأ متغيرون
***
راية احزان بكل موكب
رفت لحسين بعاشور
ضد الجور وضد الباطل
لابد هاي الدنيا اتدور
راعي الغيره وثورة مجده
خطاها بأصبع مبتور
صله الباري علــيه وسلم
وشعظم حسين المنحور
لتمنعوني . لتمنعوني
عن اقدس حب لتمنعوني
***
حب حسين العايش بينه
جيل لجيل نعيش وياه
بالعاشر حــين تمـــلكنه
بصوت المدمع نادينه
بصحنه وانطيناه الكلمه
وللعـــالم نشرح معناه
وانه الخطيته بشريانه
انسه الروح وماانساه
لو ذبحوني , لو ذبحوني
مااتـغـير لـو ذبحـوني
***
هالصوت لحد گطع المنحر
يهتف لحسـين المظلوم
كل ساعه يفززنه بجرحه
من يوم مصابة لهل يوم
نتحده الناس العادتنه
شما لامت خليها تلوم
موكب ننصبله بكل ديره
والمأتم لحـسين يدوم
ماتمحوني . ماتمحوني
نحره يردد ماتمحوني
***
عاهدنه حسين ومانرجع
عن هذا الموقف للموت
صحنه بشـباچـه ونادينه
عالباطل نسحگ ونفوت
چلمه وصاحت بيها دمانه
يحسين اسمه هذا الصوت
احنه اتباعك واحنه انصارك
لامانخضع للطاغوت
ميحرموني , ميحرموني
من الكـــوثر ميحرموني
***
تمت
رد مع اقتباس
المشاركة الأصلية كتبت بواسطة النقيب
