دارميات بذكرى عاشوراء
...............................
حبك يبو السجاد من الله واجب
فدوة الك يرحون كل النواصب
كون التمني ايصير والحظ حويته
ابروحي لابو السجاد بالطف فديته
ريتك يريح الهاب ترسل سلامي
والكربله ابكل يوم لحسين امامي
ماحاجة ويسألون لو شافوا العين
مجنون اَنه ايعرفون وبحب الحسين
لا والله هاي العين ما تنحسب عين
لوما تصب ادموم لمصاب الحسين
من عمت عين العين لو عز نبعها
لو ما تصب لحسين المن دمعها
ابجيله دم لحسين هذا اني ممنون
لو خلصن الدمعات ابجيله العيون
تلكه خدام احسين هيبة وزعامه
اترفعوا بالدارين دنيا وقيامه
بأسم الولاية دوم ثابت أساسي
وبراية الكرار ضل عالي راسي
لايمنه لا يسراك والسهم بالعين
خبرني شنهي الصار يعضيد الحسين
--------
تنشدني عن يسراي جاوين الايمين
لوطاحن اعله الكاع يتلكن احسين
------------
تنشدني عن العين وشنهي خبرها
ما تقبل تشوف العين الحره او يسرها
منقول
رد مع اقتباس