شمـالك يا وطـن كـل ناسـك تنـوح
محــد بالشعـب ظل بـالـه مـرتـاح
ما نسمـع هلاهـل ابـد نـص الليـل
لا حتـى الصبـح نشـوف قــداح
بس الحـزن يركض بيـن هـذا وذاك
ونسينه احنه الضحك وأيام الأفـراح
كـل يـوم اليجينـه يـزيدنه سمـوم
يستفحـل مـرض ويكبـر جـراح
وليمتـه الامـل ما يبقـى موجـود
نبچي وبس نـون عالچـان والـراح
واحدنه گبـل بالعلم يسطـع نــور
وهسه النار طفيت والشمـع سـاح
فسدت كل خلايا الشرف والديــن
بس ريح الغدر بهل الوكت فــاح
يا شعب العراق تعلم من حسيــن
شامخ عالرمـح ظل راسـه ما طاح
يا ربي الكريم الواحد القهــار
إهدي هالشعب خل همه ينزاح
منقول
رد مع اقتباس
