الى نور عيني وكل كياني
الى من جعلت حياتي لها معنى
اليك يا بعد كلبي وروحي وفدوة تروح روحي الج
شوگ اكتبلك عشـگ لو ظاعت الـﭽـلمه
واﮔـضي الليل اغنيلك لحد ما تختفي النجمه
يا احله عشـگ شفته بعمر دنياي
يا احله شفايف رسمت البسمه
يا ﮔمرة اسنيني الشعشعت بالنور
اﮔضّي العمر تدري اخلافج بظلمه
يا اول رسم بـﭽـفوف ادين ازغار
طفل ومكيف برسمه
ويااجمل حلم يبدي من اغمض العين
الجفن لو نام تدري ونسته بحلمه
يا فرحة يتيم بصوغة اول عيد
النسته احزانه ولوعته ويتمه
ياروحي وحياتي وكلشي من دنياي
ياحزني وفرحتي وﮔـيضي والنسمه
طشرت العمر بسنينه ادوراعليك
وانه ادري بيقين اﭽـفوفك اتلمه
ياوردة الجنه ومن تفوح اعطور
ترد الروح بيه من اوﮔـف اشتمه
هديتي انت وقسمتي من الآه الكون
واﮔـول الحمد قانع آنه بالقسمه
احبنك واريدك دوم تبقه وياي
ياشريان ﮔـلبي النابض بدمه
من اشوفنك تصير الدنيه كلها اعياد
واحس حتى الحزين امطلـگ لهمه
جرح نام ابدليلي واحتمال ايطيب
لتهيج الجرح ارجوك وتلـﭽـمه
طعم كلشي من اشوفك يحله بالكون
ليش اللي يحبك رايد اتحرمه
مثل مفطوم اصير واصبح بلياك
والمفطوم ياهو اليـﮔـدر اينيمه
عذبني على كيفك كلشي الك مرخوص
لان حتى عذاب العشـگ بيه الف رحمه
رد مع اقتباس
