رجعت أشتاكلك يل جنت اضن ناسيك
رجعت اشتاكلك يل جنت اضن ناسيك
وردت ذكرياتي بساعة الملكه
وردت بس ذكره حلوه اشوي اصبر الروح
ادور عن فرح؟ شو كلشي ما الكه؟؟
دور وياي بلكي براسي خاتل شي؟
بلكي الكالي شغله اطفي هالحركه
بس اوكف ولك؟ هوه انه هم بطران
!ليدور ابمكابر خايب اشيلكه
عشرتي وياك خلصت هاون وي الهيل
تحضن بيه خاطر بيدك اطكه
مايوصل احساسي؟؟ شماله كلبك وين؟
خاتل وين كلي بقوقعة ركه؟
عشت وياك!!عفوا قصدي مت اوياك
لو عايش صدك ما اشعر بخنكه
ردت مني هديه بوكت ذاك العوز
وفرشت عضاي لجلك كتلك استنكه
مارديت ايدك وادري كلش زين
كلبي بهاي ايدك باجر اتخنكه
طبع بيه الكرامه حته وي اعداي
لو حنو الكتلي اطيهم التفكه
تطعني وكلهم قصده غير انسان
وانه ادري جنت متنيشنه الطكه
حرت ماكمت اميز انت رايح جاي
وجهك والظهر وثنينهن فركه
حققلي حلم واحد وخل الكاك
اليمته اوياك تبقه احلامي متعلكه
بس وركه بقت من عمري وانت اختار
لو تروي الشجر لو تشلع الوركه
عفت كل الهوا ومختنك وشهك بيك
شلون تعوف دربي وغيري لتشهكه
ماكلك تعال الذله صارت ثوب
طيفك خل يمرني ونلتهي ابشبكه
ولتصدكني املك لو اكرهك يوم
يخلص خلكي صح بس يرجع ابخلكه
حكي انته اليمسك ماتظل بيه روح
ابن الريف يسكت لو خذو حكه؟؟
رد مع اقتباس
