عارك كل شمس لو جان سكفك زين
واسجد للكمر لو سكفك مخربط
ولا تاخذ حجي العميان بالرسام
لو يرسم عرس كالو عليه شخبط
سولف عن عشكنه خلهم يعرفون
صعد صيت الكصب من سولفوا بالشط
علي مغرور وشتحجيلي اكلك صار
الخبز مو غالي بس عالفقره يتشرط
اليحب والمايحب صارو علي عشاك
واعرفه يكضي ليله ولا جفن نكط
حسرتك بارده وما حركتلها بخور
وانه من اشهك حسرتي بيها انشف الشط
يمراية شرف بالك تصدلك ناس
ترافه البيك من النظره تشخط
ياجرح البالك تركه وهوه يطيب
بس جرح العتشك بالملكه يتخيط
قابل بير شو متروس صدري اسرار
الصكر لو مايعرف الج،،،بل جاماحط
بجلمة هله بجيتك يشبع الجوعان
الهلا تشبع وتجسي بس،فره من تنحط
بجدام الصبر ينسحك راس الجوع
وطعم جلمه الماكو بالحلك تشحط
ادورلي نعاوي يطلعن المضموم
ناذر لو لكيت بنصهن اتوسط
وابجيلك بجي الزفت ابنها ومات
عله شكل الدمع كون الجفن يفحط
رد مع اقتباس