يالنازلين
هنا يالنازلين هنا ... بقبر حسين دلوني
وتالي للمسنايه .... راعي الجود والرايه
اريد اروح سجاية ... واقله يابدر سعدي
رضيت القوم يسبوني
...
طاحت من على الناقة ... تبعتها خوات حسين
تتعثر واهي تنادي .... ياخويه حسين قبرك وين
جيتك باليتامى اقعد ... تلقانه يانور العين
خويه ياللي متت ضامي ... دا اقعد جيت بايتامي
شوف انتحلت عظامي ... تراني من السهر ياحسين
ماتشوف الدرب عيني
دا خويه اقعد احجيلك ... عن احوالي بهالسفرة
مشينا على الهزل حسر .... ياخويه مشية القشرة
لبن زياد بالكوفه ... جنايزكم على الغبرة
لو شفت الضعن من راح .... حادينا بشتمنا صاح
كل ساعه ويتيم طاح .... كل الروس منصوبة
عن شمالي وعن يميني
وصلنا الشام آه يالشام .... ما ينحمل طاريها
ياريت موسدة بقبري ..... ولاطبيت واديها
ياخويه يقصر لساني .... عن اهول اللي شفت بيها
على بوابات الساعات .... تلوح قبالنا الرايات
صليت اجذب الحسرات ... تمنيتك عدل ياحسين
وبلحدي تواريني
خويه والخرابه شلون ... اوصف لك مصايبها
مهدومه وبليا فراش ... نتوسد ترايبها
وماتت فاطمة بيها .... وماحد من قرايبها
بقيت ياحسين ممدوده .... عليها الجبد ممروده
وعلي مبهوض بقيوده ... وانا انخاكم ياعز الجار
لكن ماتجيبوني
يابو السجاد ماتنهض ... العيله وصلت بيها
محفوظه كرامتها .... دوم محافظه عليها
درب وعر والغربه ... ياخويه من يقاسيها
شمر الرجس حادينا ... صوته يلتوي علينا
دا اقعد وصلت سكينه .... بهمه وحشمت العباس
يابن امي وتلقوني
وصلنا لكم يابو فاضل .... ولا جيتو تنزلونا
هاي الروس جبناها ... ومنكم نطلب العونه
وراس حسين سمحوا لي .... تراه مكسرة سنونه
مصيبه ما اقدر احجيها ... روحي تمرمرت بيها
اسمع مني تاليها .... بطشت الذهب كسرها
يزيد وتنظره عيوني
رد مع اقتباس
المشاركة الأصلية كتبت بواسطة النقيب
