كصرشوكك عليه وطال صبري اعليك
وعلى أمثالك بعد ما ترهم أمثـــالي
جنت مالي كبل من جنت تنزف شوك
بس هسه أنتهيت وصرت مو مالي
لا تنغر أبطولك ولــو طولك بان
وعلى صـدرك عنب عشرينك أيلالي
السعف هم عالي لكن مايشيل أحساس
وعلى أحساب الجذر صار السعف عالي
شتلتك بيدي لهفة وخضْريت أفـراك
ويم بيبان عينك دمعة أســــلالي
ألمن جايني وياجرح جبته ويـــاك
حافظهن عليمن جاي تقرالـــي
جرف شالك ضميري وما شربتك ماي
وآنه أنزف عطش والصبر يبرالــي
لتغرني بدمعتك ذاك كلبي أنسـاه
مايشتاكلك صار الـكلب خــالي
أشد عيني أبرمح لو مره حنت ليك
وأعميهه إذا طيفك تعنالـــي
ندم خضرن أجروحي وماكلتلك شوف
ولا كدام عينك رخصت حالــي
شلتهن وأدري ذنبي وآنه مامعذور
على أخيال الشمس جنت أشتل آمالي
بعد مايهز شوكك شعره من الروح
ولا يم بحر عينك تلتف أحبالـي
ولا أحن المناير صدرك المجنــون
أولا عنك بعد ينسمع موالــي
عرفت أبرخص شعرك والسواد البيه
وعرفت بذهب صدرك جان موغــالي
وعرفت أبدفو حضنك حرك غيري هواي
وعرفت بليلمن ظل شمعك أيــــلالي
وعرفت ألمن بعتني ويــــاجفن غراك
وعرفت بيا نده بدلت شلالــي
كبر جرحك أبروحي بيا عذر ينراف
ترس جسمي ونزل ظل ياكل أخيالي
الشمس غرتني بيك وجنت أشوفك ماي
ويهزني الهـوى والدرب يحلالـي
ورخصك باع عمري وما كدرت أنساه
شلته من الـكلب بس زنجر أبالي
ولك جتالي أنته وهسه جاي أتريد
أغسل دم ركبتي أبسيف جتالـي
للامانة منقول
رد مع اقتباس
المشاركة الأصلية كتبت بواسطة مسافرالليل
