هنا

[Tota]

شلونكم درر ؟؟طبعا لابتوبي صارله يومين من افتحه تطلع بي نوافذ سوده وتختفي رأسا المهم الكامرا دائما انتبه عليها خاف مفتوحه (من الناس المتخاف الله) واليوم فتحت اللابتوب وره شويه انفتح ضوه الكامرا!!؟؟ ورأسا تيبتها وعادي اتصفحت بالكوكل بس وره شويه طلعتلي بنص الشاشة صورة بنية واني كلبي وكف من الخوف عبالي هاي البينة اني بس لو ما ملابسها جان كلت هاي اني لان البنية جانت مدنكه وتشبهني تالي اذكرت اني ماعندي هيج ملابس ولاهيج غرفة هههه يمه من الخوف نيست حته نفسي بس ماعندي كلشي بالابتوب يخصني يعني صور وغيره... وهسه الضوه مال كامره طفت ...اريد اعرف شنو هذا الفلم المرعب الصار ويايه بليييز

[معذبة]

اختي العزيزه هذا هكر ديري بالج طفي الابتوب من ال الأنترنيت وشيلي كل الصور وسوي فورمات لكل الأقراص واحسن شي وندوز 8 ديربالج والله ينتقم من الناس الي متخاف الله

[محمد العطواني]

هذا برنامج تجسس على كامرا المقابل ... حسب ما سمعت
للأمان قطعة صمغ خليها على الكامرا اللابتوب

[مصطفى العراب]

يمكن هكرو الكام مالتج هع وليش مو من زمان خالة تيب ع الكام مو تدرين تارسين الدنيا هذولة اهل النفوس الضعيفة

[المستبده]

آني هم دائماً تصير عندي هالحاله يعني ينفتح ضوء الكاميرا بس شنو الصور المحفوظه بالحاسبه هم عليهه خطر ؟؟؟

[ٱجَمل ٱنٌسًٱنٌة]

فرمتي لابتوبج
وشوفي

[النقيب]

السلام عليكم
اني اتعرضت لهذا الموقف وتم تصويري بدون مااعرف
وطلع هكر وباستطاعته ان يسحب كل شي بالحاسبه من صور او اي شي مخزون بيها
ويكدر يتلاعب بيها
بس الحمد لله ماجنت امخلي بيها شي مهم
الحل لهذا ان ماتفتحين نت وتفرمتين الحاسبه من جديد
لان ماكو اي حل غير هاي الطريقه

[warda]

الحمد لله من اول ما اشتريت الاب توب لازكه الكامره ببلاستر هع

[حسين المنذري]

هذا هكر أكيد مهكرين اللابتوب الي ميخافون الله

[Tota]

لا اني اول مرة يصير ويايه هيج شي ودائما انتبه عالكامرا بس هسه من شفت ضوه الكام مفتوح رأسا تيبتها بس تفاجأت من دزولي صورة بنية طلعتلي بنص الشاشة هع وهمزين ماعندي صور الي بس وحده ولحكت امسحها..بس هسه ضوه الكام طافي راح اتخبل