هنا

[أنثى حائرة]

السلام عليكم .....انا متزوجه من ثلاثة اشهر واكتشفت ان زوجي لديه علاقه بالأنترنيت مع امرأه متزوجه وانهرت وعندما قرأت الكلام الذي بينهم ذهلت يقول انني اعيش حياة تعيسه واني احبكي انتي لمذا تزوجني بعد يومين عملت مشكله صغيره وقلت له طلقني لاكنه قال لي اني احبك ومتمسك بكي ماذا افعل هو لا يعرف اني عرفت انا كل يوم ابكي حاسه اني كبرت فوق عمري هل اطلب الطلاق ام ماذا اما هي هذه الأنسانه تقول له انتظرني حتى ينام زوجي واكلمك كيف سمح لها ضميرها بخيانة زوجها وكيف زوجي سمح لنفسه ان يحب انسانه متزوجه وهل هو فعلا يحبها هل ممكن ان يتزوجها ارجوك لوكنت رجل هل ممكن ان توافق بأمراه تتزوجها وهي كانت خائنه لزوجها انا حاسه ان زوجي متعلق بها و يحبها لأن ينتظر الوقت بفارغ الصبر حتى يكلمه ارجوك انا لاا افهم بتفكير الرجال هل ممكن ذلك .........ولو كنت امرأه متزوجه ماذا تفعلين مكاني هذا الموضوع لا يعلم به احد فقط انا وانا كل يوم ابكي واصلي واندعي الله واتحسب عليها الله واقول فيها حسبي الله ونعم الوكيل وحسبي الله ونعم الوكيل على كل مرأه تخون زوجها ارجوكم ساعدوني ارجوجوككم اريد النصيحه من الأخوه والأخوات في المنتدى تحياتي اختكم في الله

[راما]

اولا الله ايعينك واصبرك ....من رايي ولو اني ما عندي تجربه بس هخلي نفسي مكان اولا اعمل نفسي زعلانه وحزينه واكيد هو يسالك وانتي ساعتها فاتحيه بالموضوع وقوليله ليش هالعمل هذا لو كنت اتريدها كنت ازوجتها من الاول هل عندي قصور معك ؟؟ وشوفي ردت فعلة ....يا رب تنحل المشكله ويرجع لصوابه بس ارجوكي اتحملي اشويه تره معظم الرجال عنده هاي السوالف وانتي انشاء الله تكدري تسيطري ع الوضع

[مصطفى العراب]

اممممم لو تكوليلة ان انتي شفتي الحجي بينة وبينهة هسة هو يشرحلج الوضع لان مستحيل رجل يتزوج وحدة خاينة ويعوف زوجتة بس هو هذ شي ما اعرف شلون اوصفة ابعض الرجال مثل يصير عينة فارغة ونفسة دنية فيسوي هيج شي فأنتي لا تاخذينهة سند خل يعرف بلموضوع الي انتي علمودة سويتي هاي المشكلة وردتي بيهة الطلاق

وهاي مشكلة صايرة بمجتمعنة اقل مشكلة بين الزوجين اول حل يلجئولة هو الطلاق هذ شي ما صاير قبل الزواج بي مشاكل ولازم يصبرون ع الحلوة والمرة ولازم تغفريلة هيج شي وترجعون مثل ما جنتو وخاصة بعد هو اعترفلج بحبة الج ... وهم ارجع واكلج خل يعرف بلمشكلة الرئيسية وهية علاقتة بهاي بنت الحرام خل يعرف حتى تلكون حل

وان شاء الله ميصير الى خير

تحياتي

[الاميرة لجين$$$]

واجهي اختي وشوفب شنو السبب الي خلاه يعمل هشي وبعدها خذوا القرار الي يرضيكم بس لاتبقي ساكته ومستسلمه لهيج وضع ما يستاهل انتي تتعذبي وهو عايش حياته

[@سومه الحباب@]

اختي الفاضله مااتصور ان الرجل راح ايسوي هيج خطوه جريئه وبعدين انتي لو تصارحي راح ايكون احسن ﻷن احتمال ديحاجيهه هيج حتى لتعوفه واحتمال كلش جبير انو مسويله عمل فالواجب عليج ان تقرين على المي اليشربه سوره البقره وتشربي وصلي صلاه الليل وادعي من الله ان يهدي وان شاء الله مننساج بالدعاء

[عماد الآسدي]

اختي الكريمة لاتتعجلي بشي يصفه الله بانه ابغض الحلال عنده وكما قلتي انتم في بداية العهد في الحياة الزوجية وان زجكي لما اختاركي انت بالذات دون الغير لاكمال حياته الالانه وجد فيك ما ينقص الاخريات من اخلاق وصفات والكل يعلم بان الرجل قد يتعرف على فتاة ذات علاقات سابقة ويبادلها شتى الكلام فكثير من الفتيات من يرخصن انفسهن للرجل والفتاة الرخيصة لا يكون زواجهامانع لارتماء الى رجل اخر ولكن عندما يختار الرجل امراءة لتكون شريكة حياته فانه لايختار مثل هذه وحتى ان ذكر لها انه يعيش حياة تعيسة معك فهذا موكد غير حقيقي من ناحية ان مدة الثلاث شهور لايولد انطباع عن حياتكما فلازلتما حديثي عهد بالزواج وانه لما ذكر هذه العبارة لتك الفتاة نتوقع انها وكعادة كل الرجال في استمالة النساء بكلام يظهر به ضحية وافضل حل لكي بتصوري ان تاخذي الامر بهدوء وروية ومصارحته بان هذا الامر قد سبب ازعاج لكي وتساليه عن اي قصور يراه فيكيك (ان كان ذالك ) وان تتعاهدى على الطراحة في ذكر اي شيء يسيء لعلاقتكما فبغيرها لا تنشاء حياة مستقرة ولاتجعلي اول الحلول لكي هو الانفصال ونسال الله ان يصلح بينكم

[تشيللو]

اختي الغاليه..ان كان زوجك ابن حلا ف كالاتي..
السبب انتي ..لانه لم تعطيه الحنان الكامل
او لم تهتمي به...او هنالك فراغ ولو بسيط
فعالجي ذلك الفراغ بلتعاطف معه وبمرحك واسلوبك وبضحكتك..
ولا تحسسيه بذلك الامر ابداا يمكن مجرد نزوه بسيطه وتتلاشى لانه حب الفيس عالم وهمي
فقط تبادل مشاعر لاغير..مع تحياتي لالك..

[العراقية.]

حبيبتي ربي يبرد قلبج ويهدي عليج _بس من رأي _مادكوليها عرفتي هو عده علاقه وشفتي الحجي هاي راح اسببلج مشكله بعد اكبر راح يكول ليش تجسسين عليه ويطلعج انتي الغلطانة _من وجهة نظري اتكعدي تتحتوين زوجج وبالاخص بعدكم عرسان جدد مامرت فتره هواية كعدي فكري شنو السبب الي خلاه يباوع بره عالجي المشكله وحليها بنفسج مو تعالجين الخطأ بالخطأ وان شاء الله تنحل مشكلتج وكوني على ثقه هاي نزوة وتعدي بس المرأة القوية تحافظ على بيته مو تهده بأول موقف يواجها

[العراقية.]

مستحيل عيني حسب مجتمعنا الشرقي هسه شوفي الرجل الاعزب عده علاقات بس ربج يعلم بيها بس لو راد يخطب يدور ع بنية عاقله ماعدها سوالف زايده ناقصه انوب متزوج وهي متزوجه _اسمحيلي بهاي بس العنده نقص بشخصيته ودينه يسويها _

[Civil Engineera]

اختي العزيزة الرجل مستحيل يتزوج امرأه خانت زوجها.