هنا

[الغريب الصابر]

قصيدة اليتيم


الله مو وصه بكتابة أعلى اليتيم ؟
ليش ماتمشي أبكلامة النزلة
الله لو ميت سنه أتصلي وتصوم
ركعه ماتوصل اذا متوكلة
اعكس الآية عليك وانتة شوف
هذا لو ابنك مجان اتدللة
جتي مدرستة ولأن ماعنده ثوب
اتوسل الأستاذ ان ميسجلة
اشلون أكتب دار واحنة ابلايه دار
استاذ ماتكدر تغير المسألة
زين اذا اكتب هلك كلولي گوم
وين احط الوالد من العائلة
وخاف نوصل بالقراءة لحد (نمير )
وخاف (بابا) أيگول هاي المشكلة
ياشريف البيكم الباوع عليه
وياهو منكم راح وتفقد هلة
لاتروح أزيارتك باطل اكيد
حسين مامحتاج منك توصلة
حسين اذا شافك تصدق عاليتيم
البيتك ايدزهة تزورك كربلة
المهزله مو لأن عدنه احنة يتيم
أنعوفه ميت جوع هاي المهزله
شبعة كلمة أتريحة مو ألة رغيف
وجوعة بس لتكلة أبن الأرمله


اين انتم ؟ اين اصحاب القرار ؟
وين اهل الغيرة ؟ واهل المرجلة ؟
افتحوا آذانكم حان النداء
راح اصيح بصوت گدام الملة
هدمُ بيــــت الله اهون قد يكون
من يتيماً أكل من المزبلة

[النقيب]

‏



كلام جميل جدااااااااااا
تسلم ورد