البارحة من غبشة الله داكة الباب الحكومة
شعدها زين؟
اتذكرتهم هذا كل ضني واجتهم
ذولة فقرة مهجرين
اتوقعت حسدت صبرهم ومن وكيل دموعهم حنت عليهم
جابتلهم جف طحين
وجف ملابس وجف وطن يمسح دمعهم
لأن لخدود اليتامة بعد ماتوصل ادين
وجايبة وياها نخل من مزرعتهم
يصرخ بفيي بعدهم ياهو يستاهل يعيش
استعجليتو وشلتو غبشة!
مانزلتو بكلبي ليش؟
داكة الباب الحكومة ياوطن لو تدري ليش؟
راح اكلك ليش واضحك
راح اكلك ليش وابجي
راح اكلك ليش واصفن
هز اديك وهز ادية
داكة الباب الحكومة لان سكنت الصغار بغرفة وحدة
بيوم هبت ريح صفرة
داكة الباب الحكومة لان سكنت الصغار بغرفة مترة
بيوم هبت ريح صفرة
ناس ريح الاخرة كالت عليها
ناس ريح الطائفية ......شيلتنه المهم هية
ولان لزًكت الجهال بغرفة مترة
فصلو تهمة اعلة طولي
تهمة سموها التجاوز
وجيه شبر مااملك انه
استحت ماكعدت علية
ياوطن مو ولدك احنة؟
ليش خلونة نشتم انسابنة
وليش تتفرج عليهم ؟
تكلب الدنية عليهم حسبينة حسابنة
ليش؟ بس بالضيم تعرف تعتني ادك بابنة
خلص منريد احنة كاعك
وهاك جنسيتك اخذها
كبل لايحركها كلبي بنار جمرة
اذا ماتوكف الية من تجي الدولة تفلش
باقية باوراقي خمرة!؟
والله عيب من طفلتي الأعتقد بغداد اسمها
لو بقت بالدار تنعي
من تجي الدولة تفلش شرد اكلها؟
بالله يابغداد اطلعي
*منصورة يابغداد* مهضومة يابغداد
بوية يابغداد اسمعي
بالسويد اللاجئ يعيش بكرامة
ولو اخذ جنسية منها يصير ابنها
اتحضنة هية اتزوجه هية وراتب وشقة يتمُلك
ومايهمة شكثر ينجب
شقتة كل طفل اتًكبر
وبالوطن لو تبني كوخ ومالة بالطابو اساس كبل يتفلش عليك
السويد الماتصلي وماتكبر
والله حبابة وحنينة خو علمواطن عيب تكبر
الوطن؟
من عدها اقسة ذاك ابوالسبحة الطويلة وكل دقيقة الله وكبر



يلله ذبني بكيف طولك


فدوة اعيشك يوم


وبكيفي اعلة كيفك


احسب شكم شفة طولك


واغلط بأخر رقم


وارجع احسبك


يعني اصير بكيف طولك