يـومِ احْـسَـيـنْ لِلـدّلاّلْ مَرْمَرْ
إشْيِصيرِ الْگَلُبْ گلّي صَخَرْ مَرْمَرْ
لِـوَنْ هَـمّي عَـلى أيوبْ مَرْمَرْ
إسْمِ الصَّـبُـرْ عِـنْدَه ما تِهَيَّـه
ـ أرُبْعَـه اعْلَـيهُمِ الـدَلاّلْ يَنْطَرْ
ـ اِلْهُمْ عَـزِمْ ثابِتْ عَـيبْ يَنْطَرْ
ـ وِالْـعَبّاسْ راسَـهْ ابْعَمَدْ يِنْطَرْ
ـ ذِخُرْ زَينَبْ عَلَه الشاطي رِمِيَّه
ـ النّاسِ اِلْها قَصِدْ يَحْسَينْ وَانْظُرْ
ـ الْغَيرَكْ ما أديرِ الْفِكـِرْ وَانْظُرْ
ـ الْعادَه بَسْ أحِسِّ ابْكِدَرْ وَانْظَرْ
ـ اَنِدْبَكْ مِسْتِجيرْ اِوْهـايْ هِيَّـه
حب حسين والعترة .. مـلانه
وكاس نشربة بالكوثر .. ملأ إلنه
چم طاغي بطاغي مر .. مّلانه
لأن ما گدر يمحي الفاطميـة
بحور امحبتك يحسين ماجن
وجن ليل الولاء وغيره ماجن
عابس لوله حبك چان ماجن
مثل عابس غرامك صار بيه
بحب حسين واهل البيت جنيت
وبمحبته الغالية من الليل جنيت
فخر وكبرياء بأسمه جـنـيت
لأن أصل الوفة وأصل الحميـّـة
يبو اليمه وحگ مسلم وهاني
احبك لاتظن حبك وهاني
بالمحشر سعيد انه وهاني
شفيعي انته يبن سيد البريهقصيده في حب الحسين تمشي إليك توسلا خطواتيمنقول
وأعدها إذ أنها حسناتي
وودت لو أن الطريق لكربلاء
من مولدي سيرا لحين مماتي
لأنادي في يوم الحساب تفاخرا
أفنيت في حب الحسين حياتي
أوصل زحف لحسين
خذ ولائي كربلائي
لو تعبن الرجلين أوصل زحف لحسين
خذ ولائي كربلائي
مجنون وحبك علمني ما ساوم واخضع هيهات
هيهات الذلة إتعاشرني والمات إبدربك مامات
چم طاغي الحاول يمنعني وأرفع رآيات الثارات
لبيك الحد گطع المنحر صوت الدم يصنع ثورات
في دمائي يا رجائي
أثبت أوصول الدين أوصل رحف لحسين
خذ ولائي كربلائي
شايل يوم الطف بعيوني وإبجفني إتنام الأحزان
نتعلم من هذا المنبر نصنع ثورة على الطغيان
ملتزمين بهاي الخدمة بس هالخدمة إتعلي الشآن
وحسين اليرفع خدامه وإيخلي الخادم سلطان
في حياتي أو مماتي
وي لهفت الماشين أوصل زحف لحسين
خذ ولائي كربلائي
لو تعبن الرجلين أوصل زحف لحسين
خذ ولائي كربلائي
مشايه إتگصدك أنصارك عالعاده ورغم الأخطار
كل گطره السالت من نحرك أنشودة ابدرب الأحرار
كل دمعه إبدربك محسوبه وإبكل خطورة إنصيح الثار
ويتمنه العباس اچفوفه من يسمع صوت الزوار
لاح ضيفي أين كفي
وينادي دمع العين أوصل زحف لحسين
خذ ولائي كربلائي
لو تعبن الرجلين أوصل زحف لحسين
خذ ولائي كربلائي
وإبدرب الطف لاحت رآيه رفت بكثر من تصريح
تهتف لبيك وثار الله وين إتميل يهب الريح
رآيه وچف حيدر لازمها من إطيح الگاع إطيح
أصغي وإسمع صوت الرآيه وينك هاا يالمهدي إتصيح
شبل حيدر حين يظهر
وينادي بالضلعين أوصل زحف لحسين
خذ ولائي كربلائي
لو تعبن الرجلين أوصل زحف لحسين
خذ ولائي كربلائي
مولاي إبخدمت زوارك صارت محسوده الخدام
كل ظنه الظالم يرهبني من صدر حكم الإعدام
أتلگى الزاير بدموعي هاك ارموشي إتغطى وانام
أتشرف بتراب اجدامك وصفة إترابك للآلام
قطع نحري تاج فخري
وينه المنعني وين أوصل زحف لحسين
خذ ولائي كربلائي
لو تعبن الرجلين أوصل زحف لحسين
خذ ولائي كربلائي
من إبعيد الگبرك أمشي وأسبح من دمعي المسفوح
وأسمع صوت يجر ابروحي وچف مگطوع هناك يلوح
يستقبل زينب والعيله والموعد يم المذبوح
وإنواسي السجاد إبصبره وإنداوي الگلب المجروح
صاح قلبي إي وربي
لو بالعمر يومين أوصل زحف لحسين
خذ ولائي كربلائي
لو تعبن الرجلين أوصل زحف لحسين
خذ ولائي كربلائي
وأسألكم الدعاء
رد مع اقتباس
المشاركة الأصلية كتبت بواسطة كناري الورد
