هنا

[الغريب الصابر]

قصيدة وينك ماترد تغلق جهازك ليش

وينك ماترد تغلق جهازك ليش وكت خلاك ترفض ماتجاوبني

تذكرمن چنت تتمنة تحچي وياي تنكرهه بسهولة وما تعبرني

هسة وصدفة جابك لية هذه اليوم ولأن ثق اعلة نيتي وما يضيعني

وفضل مني ترة من اوگف احچي وياك ونعم بيهة قصد بس لليفسرني

وسمعني عذر لا تستحي من الناس ولدنگ خجل مو عيب سمعني

اقرة بداخلك واعرف تفكر شلون كل همّـك ربح لو حتة تخسرني

واعرف غايتك لتظن غشيم بهاى بس حكّمتة عقلي وگلبي طاوعني

ردت اعرف نهاية حبك المزعوم او وين بياطريق اتريد تاخذني

تحب شكلي فقط لا مو جمال الروح ولهذه السبب يا باشا تعذرني

صح اني زغير وعمري بالعشرين بس اوزن بلد ... والله صدگني

الطيبة مو ضعف والسكتة لا مو خوف بس اخلاق بيتي هي تجبرني

وانطيك اعلة مايك مره لو مرتين لكن للأسف بعدك متعرفني

سامع بالمثل شط ويرد عطشان هذه اني وصيرن من تجربني

اوصلت فكرتك يعني انتهة الموضوع ولتحاول بعد هيهات تقنعني

وامسحني بعد من قائمة الاسماء لأن اسمك بعد هم مايشرفني

وساعة والعطر كل الملابس هاي لو سألوك عنهن بيهن اشكرني

وروح براحتك خلصتة ثاري وشوف تتندم عَلي بعدين تذكرني

[حيدر الطائي]

جميل جدا
شكرا لك

[المحاميه شهد المعموري]

كـــــلش حلوه ومعبره شكرا الك