مستغرب لان كتلك اريد انساك
تكلي شجاك وانت التعرف شجاني
ما انكر احبك أي واعزك حيل
لكن ما بقالي وياك حل ثاني
يرفض ان يكول لساني راح اشتاك
هم عنده عقل ويفكر لساني
هم عنده كرامه ومبدأ واحساس
لابد ينعدل وياك ميزاني
صار سنين روحي تعذبت وياك
وكلت اقبل وضل لخاطره متاني
وما وصي الكلب جنت اني ان يهواك
هو الكلب ان اهواك وصاني
يعرف بيك تنسه وما يكلي يخاف
يكول انك تحبني وصعب تنساني
وضم جرحك وكولن راح جرحك طاب
ويطلع يستهين يكول هياني
وكلت اقبل بعد جرح الاحبه يهون
ميخلص جثير الدم بشرياني
متأمل تحس بلكت تحن فد يوم
يرف كلبك علي من تسمع الحاني
او وصلت المرحلة ان قد اجاني الموت
وصرت مضرب مثل للقاصي والداني
اجيت تريد تجبر خاطرى المكسور
شتجبر كلب؟دمعاتي؟؟ذرعاني؟؟
كلي جروح منك روحي كلهه جروح
احط ايدي اعله واحد ينزف الثاني
شنو البيهه محبتك شلي بيهه
غير جروح يصعب شل بيهه
بعد جيتك عليه شلي بيهه
روح مسامحك ما ليه كلمه وياك
بس اعرف قتيلا حبك ارداني
واذا كلك احد انك قتلت انسان
اقره الفاتحه ومعناهه هذا اني
ما موجود لكن لو ردتني بيوم
بعنوان القصيده هناك تلكاني
الم
رد مع اقتباس
