<<هديه للشباب>>
قصة طالب ايريد ايصارح بنيه......
طالب وعايف دروسي وقره اشعار وجرايد
وعاشك بنيه بقسمنه ولكلب بس الها رايد
هيه حلوه اهوايه حلوه وانه عمي اشلون واحد
بلفرن ناسيني اهلي وحتى لون عيوني جارد
حاولت الفت نضرها بكل طريقه وماكو فايد
غيرت فكري اومشيتي وفكري بلمودات شارد
وجللت شعري اوصبغته ولبست حتى كلايد
كعدتني علا الحديده لا بعت حتى الحدايد
لااكلك ولاتكلي بهذلتني الله شاهد
وهي تدري بس خبيثه مثوله ولدلال بارد
وانه نار بنص دليلي خاف اصارحها وتعاند
مره اكول احجي وياها ومره اكول خلني راكد
وين جانتلي ياربي جنت متونس اوكاعد
وقررت لازم ابوح ابحبي وما احايد
بوري مابوري اسولف قابل امصارح مجاهد
اجيت وقربت منها جسمي يرجف حيلي بايد
ولضغط مره تخربط مره نازل مره صاعد
كمت اتمتم كمت اعتعت كمت احس بلساني جامد
جني سياره عتيكه ونكسر من عدها كايد
ردت افلت ماعاد ينفع كالت اتفضل اشرايد
كلت عفوا من رخصتج بلكي عندج قلم زايد
\\\\\\\\\\\\\\\\\\\\\\\\\\\\\\\\\\\\\\\\\\
رد مع اقتباس
