ضهضب العباس ضهضب من سمع زینب نخت
نـدبت الـکــافل وجـاهه و دنگت یـمـــه و بچت
گـلـهــه گـولیلی یزینب مسحت الدمعه و حچت
(گالت عدوانک رعبونی)1
***************************************
گلهه کیف ایلوی گلبچ وانتی بنت حامی الحمه
هـــل شــراذم لا تــهــمــچ هــسـه اسویهم دِمه
لا وحـــگ عــیــناک ما هم بس یعباس الضمه
(اثر بسکینه و أذانی)2
****************************************
گلهه یا زینب ابشری؛عودی ربانی اعله های
بـلـسمش وصــانی اوگــف حتی اصیرلچ فیای
هسه ألِف کربله ابچفی و انفَخ و یصبَح عیای
(وجیوش العدوان افینهه)3
****************************************
هسه یبدی احساب هسه و یشرد المرء من اخیه
هسه زین اعدای یهرب حـتی مِـن صَحبَه و بنیه
وادی ویل اهـنـا انـزله و اعــزل الحُر و السفیه
(و کل واحد یِستَلم اکتابه)4
****************************************
هلا هلا الـفَـر تـوخـی احـسـاب عـبـاس الـمـریر
کـ الأسد ضل صوته یصدَح و اسمع ابطی الزفیر
الرعَــب زیـنـب یویله احـسابه یمی اشگد عسیر
(و ما اقبل من عند التوبه)5
*****************************************
هسه بین اعداچ زینب و الخیم انصب صراط
هلا هلا اهـنـاک خــصمی إمنّـ حطاطٍ لنـحطاط
آنه کـفّـالچ یـــزینب دَنـــی اَلَــحرُف لـــلنـقاط
(خدرچ منگود ایشوفونه)6
****************************************
کربـله اقـمــاش إمــنــ الـــــزمه ابچفی اگرضنه گرض
الصوم مفروض و صلاتی و حـــب علی و رابع فرض
طـــول زینب مـــا اخـــلی اعـــدای تدنــــا و الــعرض
(ما خلی اعدای ایکشفونه)7
****************************************
گــلــهه وین الـیـود زینب عَلی خویه اتدللی
آنـــه عباس الصمیده و انتی بنت حیدر علی
خویه رفعی الـراس بالله و نادی اسکینه الی
(بشریهه المای ایجیبونه)8
****************************************
عمی سکنه اشبیچ عمی لیش یا عمی البچی
گلهه عمی افعال شوفی ما احب زمر الـحچی
آنه رکـوه و خیمه عمی عَلی میلی و انتچی
(عمچ یسکینه التچایه)9
****************************************
لزم سیفه و شال درعه ودرعم ابراسه الغضب
ضــل یمین ایسار یــنـحر بـلـعده ویـگطر لهب
موش بـس ماـی الـمُعلقم مـای من شط العرب
(اترس وروی اضماچ اسکینه)10
***************************************
ضهضب العباس ضهضب وصل للمای وغرف
راد یشرب صاح هونی و سنن ابـفـعله الشرف
تـرس یـوده وراد یرجع نـخـه الـکـرار وهـتف
(یا حید انخاک اتنجینی)11
***************************************
راد ینجه الحید حـتـی یـروی سـکنه من العطش
ضرب راسه ابن الطفیلی؛العلقمی رایـــه انشلش
الـگـمر طــاح من الأصیله والوکت طخ ونشبش
(من طاح الکون انهد حیله)12
***************************************
چذب ما ظن مات قط لا اصبر احچی اعللـ سبب
لوَن مـیت صـدگ هـسـه الـشرف ما ضـلّه نسب
لیش مـا مـاتــت الـنـخوه و الـکـرم عـند العرب
(و الفارس ظل حی بفعاله)13
************************************************** *
***************************************
**************************
***************
********
*****
*
بقلمی-لفته ابوسعد الحموداوی
رد مع اقتباس
المشاركة الأصلية كتبت بواسطة مرتضى التركي
