درر العراق

عازفة الليل · 28/October/2013

وك ياهو العلمك وتريد تمشي بعيد

سلني الشوك خايف باجر يسلك

مثل ضلك بلخطوة نمشي ثنين

مشيت انتة بظلام وضيعت ضلك

دليني عليك سنين دايخ بيك

وامشي وياي ادورك خاطر اندلك

عرفني علة شخصك رايد احجي وياه

بس كلمة ومابعد غيرهة نكلك

وحدة من الثنين ووحدة راح اختار

لو كلك احبك لو احب كلك

اسأل ليش احبك راح اكلك ليش

وليش شما تسوي وياي اقبلك

لحضة موت عمري سنيني كلهن خوف

بس وياك ءأمن لمن اوصلك

وانتة اخر نفس وشكد عزيز تصير

وبلحضة الموت تريدنة نملك

خيط اعلة الجرح باللحم صرت وياي

لو كل الجروح تطيب ماافلك

تعرف كلشي بية وما عرفت شبيك

لغز حلك لغز من يكدر يحلك

واشرد حتة اجيلك مدري ليش الخوف

خاف تخاف مني بسدك اختلك

مثل ضلك اضل والليل يكضي الليل من تطلع شمس من طولك انزلك