درر العراق

عازفة الليل · 28/October/2013

مشتاكلك والليل وحشة

ودمعتي التنزف ثكيلة
وصوتها من اطيح عالي

وحتى محد يدري بيها ،،
اركض اتلكاها بيدي لمن تمر علبالي

انت وين ؟ وانه بس موعد بدونك
مدري ياهو يسد مكانك

وحشة فراكك جبيرة
بكد عشرتك نار تكبر

تحرك بروحي امنيات
ويعلى دخان الظنون

وطيرمذبوح احس بيه يختنك
كل هذا وانه باقي ادور

بلكت الكالي حلم مامحترك
بلكت الكالي وعد مانفترك

لو جمرة منك حتى اشوفك
واصبر وتنشف دمعتي
وترجع بروحي الحياة

انت موجود بحياتي تروح تبقى
حتى بعيوني من ادور الكه

تارك ذكريات ،،
جفي بعده باقي اثرعزفك عليه

ناس صح تشوفه لكن محد يلمسه بديه
من طفولة موعد ي وياك الكمرماخذ عليك

بيدك يظل والى ان تمشي عني
بكل هدوء تركه غافي

تبوسه وتكله حبيبي نايم نومك عوافي

وتمشي عني وارجع بلياك اتاني
والسماء تغيم وداع وتمطر بحظن الثواني

وابرد واسئل صفنتي يمتى اشوفك ؟
يمتى اخلي الساعة تفتر من جديد؟

شلون اخلص ليلي وحدي وانه احس انت بعيد
جفني ساكت كوة يمي اخاف اموت

يبجي سكتة حتى مااحس بالدموع
يدري ظل بالي عليك

يمتى اشوفك تتعب عيوني من اركز بنتظارك
واعدتني وكتلي اعود وكلشي رد

خوفي

حسرتي

الحيرة

الظنون

العذاب

كلها ردت الا انت
شماء اصد لدربك الكه الصورة تتحول ضباب

شما ركضت لنهرك ارجع مكتشف نهرك سراب
منو اليندلك طريق الليل ؟

لا مايدري بيك هواي

جم مرة سئلته ورفض ينطيني جواب
جم مرة سئلته ورفض ينطيني جواب