ابيات ابو ذيه منوعه
وحك ديس الرضعني قسم ورباي
وعليك الكلب مني انجسم ورباي
اضل انضر خيالك دوم واربــــي
بلجي تعود يلغايب عليه
هلاله بلسمه عالي وسامي
ومحبته على صدري وسامي
وجوه شكثر فاركنه واسامي
ويبقه ذكراه يعيش بيه
اكابر ما اصيحا اخ جلداي
ياصوط الشماته عوف جلداي
لحم الحي طلع وانزع جلداي
لجن ثابت وروحي ذيج هيه
ضعن ولفي سره وكوطر وانا حاي
بعيد وماسمع وني ونوحـــــــــــاي
مدام الوكت دافني وانا حــــــــــاي
اخافا ليش بعد من المنيه
وكتنه شلون ترجه راحه منه
اهو يايوم كلبه راحـــــــم انه
الــــــي راح منك راح منــــه
مصايبنه سوه وعلتنه خفيه
لساني يعجبك بطكهن ملك لك
وزود البيه مو ملكي ملك لك
اذا ربك بعث حارس ملك لك
اخطفك انته والحارس سويه
يهل رايح لهنه سلمنه
عنبنه وماحوينه سله منه
اليالي بيد غربه سلمنه
خسرنه العنب والسله سويه
رد مع اقتباس
المشاركة الأصلية كتبت بواسطة haydarhashem
