من قصص العراق القديم
حقيقية موجودة في كتب التاريخ
اخيقر
الرجل الحكيم من حكماء الملك سنحاريب ومن اذكى خواصه
الملك سنحاريب جان يحب الالغاز والمسابقات
فدائما جان يسوي مسابقات وية فراعنة مصر ودائما يفوز العراق على مصر هههههههههه
زين
فد يوم من الايام سنحاريب غضب على اخيقر
لان احد الوزراء حسد اخيقر
اجة هذا الوزير وكال للملك ترة اخيقر يدبر لك مكيدة بذكائه فهو سلاح لا يقوى عليه احد في المملكة ويريد بعملية ذكية منه التخلص منك
الملك العربانة راسا اندفع
امر السياف بقطع راس اخيقر المسكين
السياف جان يحب اخيقر لان له عليع افظال
اخيقر ذكي
شاف السياف متردد وحزين
كلة تذكر من سويتلك فلان شغلة وفلان شغلة
كلة اذكر بس مو بيدي اني عبد مأمور
كلة انتة طب على الملك الان وكلة قتلتة واحرقته لان خاف يكلك ادفنه الخ
المهم شرد اخيقر
سمع الفراعنة بموت اخيقر
كالوا اجتي الفرصة لنعيد هيبتنا وحكمتنا بين الناس
اجة وفد من مصر طبوا على سنحاريب
كلولة هاي المرة احنة جاييك نطلب المسابقة
كال وهي
كالوا ثلاث مسائل تحلها بثلاث سنين ان لم تحلها فخيرات العراق تذهب الى مصر لمدة سبع سنين وان حليتهة خيرتنا للعراق سبع سنين
كال اوكي
كالوا
اولا
اتسوون خيط من الرمال بحيث لا تلتصق حبات الرمال مع بعضها
سنحاريب كام يحجي وية نفسة كال الاصت
زين والثاني
كالوا
تبنون للفرعون قصر في السماء من دون قاعدة في الارض
سنحاريب كال اى بلة وبعد
كالوا
تقولون لنا شيئا لم يسمع الناس به ابدا ولم يحصل ابدا
رجع الوفد وهم متيقنين بجائزة خيرات العراق لسبع سنوات
سنحاريب باوع عالحكماء والوزراء شافهم صافنين
كال ها ولكم شو ذابيهة عالصامت
كالوا لا مولانة هاي موبايلاتنة بيهة اجمل الرنات
كال وانوب اتصنفوف؟
كالوا رحمة اوالديك انتة هم شايف حبل من رمل
المهم احتار الملك سنحاريب واتندم على اخيقر
السياف جان يسمع الحجي
اجة وشاور الملك
كلة تنطيني الامان
كلة الك الامان شمسوي من مكسورة
كلة ترة اخيقر حي
واني ما قتلتة
فرح الملك وامر بالمنادي ينادي في البلاد على اخيقر وان له الامان
ورة كم يوم
اجة رجال تعبان وكف علىى باب القصر وطلب الدخول على الملك
طب عليه وعرفة الملك كلة وين جنت اني تندمت على طلب قتلك الخ
كلة اني راح اخلصك من هاي الورطة بس اريد اربع نسور عمرها اربع سنين واربع اطفال عمرهم اربع سنين
اخيقر اخذ الاطفال وهم في بداية تعلمهم النطق وكان يعلمهم كلمة عبارة واحدة فقط الى مدة ستة اشهر
راح اخيقر الى مصر وطلب من الوزراء يبنون له غرفة في الصحراء قبل ما يطب على الفرعون
طب على فرعون وكلة اذا اتريد حل المسائل فخل نطلع الى الصحراء
طلعوا وطلب منهم الدخول الىى الغرفة وسد الباب وطبعا الغرفة ظلمة هندس
كلهم اتشوفون شي ؟كلولة لا
حفر بايدة ثقوف صغيرة في الجدار المقابل للشمس
طبت اشعة الشمس
والغرفة بيهة رمال من الصحراء
فبينت الرمال على شكل خيوط تلمع
كال هذا خيط من الرمال من دون ان تلتصق حبات الرمال
كلة صحيح
طلعوا من الغرفة وكال اتريدون اتشوفون القصر الي بنيناه للفرعون في السماء
كالوا اى
اخيقر طلع النسور ووضع الاطفال على عربات وشدهة بالنسور وطيرهن والاطفال كام ينطقون من الخوف تلك العبارة الوحيدة التي تعلموهة
اعطونا الطين والخشب لنبني للفرعون القصر
اعطونا الطين والخشب لنبني للفرعون القص
اعطونا الطين والخشب لنبني للفرعون القص
كال اخيقر هيا اعطوهم لكي يبنوا القصر اعطوهم هيا
كال فرعون هذه انحلت ايضا بقيت الثالثة وهي ان تقولو شيئا لم يسمع به الناس ولم ينطقوا به ولم يحصل
اخيقر قال
اذن اسمع
خيرات مصر تذهب الى العراق لسبع سنين
خيرات مصر تذهب الى العراق لسبع سنين
خيرات مصر تذهب الى العراق لسبع سنين
فهذا لم يحصل ولم يسمع به
هذه قصة واقعية تاريخية من قصص العراق القديم حقيقية
رد مع اقتباس
