هنا

[ريتاج الطائي]

مساء الخير درر العراق

شنو رأيكم تجون نسولف شوية بأزحامات اليوم طبعا اني احجي على بغداد باقي المحافظات ما اعرف ياريت تخبرونه شنو ضرفهم

اول مرة اصادف هيج ازدحام السيارت واكفة ما تمشي وتصوروا نزلنه للمطعم جبنه غده ورجعنا والسيارة بنفس مكانهه
طبعا هاي الحالة من خلص العيد الهسة ازدحام قبلها كان طريقنه زين!!!!

وتالي رجعت للبيت بال 5 ما اشوف كدامي..ياترى شنو السبب؟؟
بس سوالف لحد يعصب

[العراقية.]

اي والله صحيح_المحافظات (الانبار‏)‏ بالتحديد هم اكو ازدحام بس اكيد مو مثل ازدحامات بغداد_السبب كثره السيارات بحيث مرات احس السيارات عبالك وحده تريد تصعد فوك الخ هع بسباق عبالك _والسبب الاخر السيطرات مع العلم من نوصل نقطه التفتيش ماكو اي بوادر تفتيش لعد شكو هذا الازدحام أممم_موضوع حلو تسلم الايادي _

[Jan]

الله ليستر من هيجي إزدحامات
لأن في وضع بغداد الحآلي ..
كثرة سيآرة مو زينة أبداً ...
الله يحفظنآ و يحفظ الجميع يــآرب
اللهمَ إحفظ بلدنــــآ ....

[هدير الريح]

ول ابووووووي اني بالموصل اليوم ادمرت
اليوم من الجامعة الى البيت طولت ساعة ونص
هوا الطريق ما بي عشر دقايق

[نور الصحفية]

اليوم وضعية الازدحامات ابد محلوة اتوقعو بعد بيتنة عن الجامعة 10دقايق و اوصل للبيت اليوم طلعت من الساعة 12 وصلت الساعة 3 العصر حيل تعبنة من هل وضعية التعبانة الله يفرج علينة ان شاء الله كولو امين

[نسمة الدرر]

احنه بالبصرة عدنه ازدحامات بس مو بهذا السوء يعني الحمدلله زينه
الله يعينكم ويفرجها عليكم

[هدوء الكون]

عدنة ازدحامات موطبيعية بالبصرة عند دخولنا لطريق الجامعة ساعة يالله تمشي السيارة

[عازفة الامل]

الله يساعدكم والله الازدحامات متراد ..احنه كركوك زينه يعني بس اذا صار انفجار شي تصير هوسه
ان شاءالله يتحسن الوضع
منوره رتوجه بالكعده الحلوه هاي يلا يلا تعالو سولفونه شكو ماكو

[Abbas Dohy]

هههههإ.. مراسلكم عبسي من بابل
لا عيني ابيش طالبتنه ماكو ازدحامات بس سيطره الورديه خارج من دقه تفتيشه اتسوي ازدحام واتخرنه ع المدرسه غير ذالك داخل المحافظه ما ادري اأن من البيت للمدرسه ومن المدرسه للبيت وسوف نوافيكم باخر التطورات )اشلونييييي عإاإاإا

[سامح]

بالنسبة الي من كنت بكركوك ماكو اي ازدحامات
بس هسه بالبصرة دمار يعني اكعد بالستة ومحاضرتي بالتسعة وهم ما أوصل فد ظاهرة غير حضارية ومتعبة حقيقة وبالرجعة بعد دمار شكد اتأأخر عن شغلي
شكرا للموضوع