المشاركة الأصلية كتبت بواسطة بلبل العراق
شسالفة خوية ياهو كلك هالحجي .. والله مناقش
بس كون ياخذ بالمعقول واكو ناس يطلبون مهر مثلا قدره 3 مليون ياخذ 2 مليون يحطهن بالجيب والباقي البنته جا هيه وليه
والله بهذه الوقت الشباب تكعد وتسكت لان السعر كاب للستار والقضيه صايره بيع وشره مع شديد الاسف
اكيد اني ضد هذه الشي
انه برأيي انه المهر شي رمزي ومايقدم ولايأخر بس طبعا هالشي يختلف حسب تفكير أهل البنت
ومع الأسف هسه الناس والبنات صارو يقارنون بين مثيلاتهم يعني اتكول هي فلانه أقل جمال مني وأقل شهادة ومهرها مثل مهري مايصير ترى الناس مستويات ضاربين كل القيم والمبادئ الاسلامية عرض الحائط
وصارت الخطبة تتفشكل علمود المهر مع انهم متفقين على كل شي
وأكو ناس ماتهمهم الفلوس ويدورون سعادة بتهم
وصدكوني البنت اذا طلبت مهر قليل وحتى البدلة والصالون والذهب اذا قبلت بالشي البسيط راح تكبر بعين زوجها وأهله وراح ينضرب بيها المثل
بس وين اليفهم ؟؟؟!!
واقع حال ماجبت الموضوع من فراغ اني اعرف بنات بالحي الي اسكن بيه سبع بنات في بيت واحد اصغر وحده بيهن عمره 30 سنه شنو ذنبهن ذني
التعديل الأخير تم بواسطة رحيـــل ; 28/October/2013 الساعة 12:35 am السبب: بعيد عن الموضوع
شكرا على الردود اتمنى اكثر ردود حتى الكل يستفاد وتكون اكثر توعيه اللناس
كلامج صحيح واني اوياج بهل الكلام
بكل صراحه وبدون أزعاج
كلمن يمد رجليه عل كد لحافه مثل منكول
وميتقدم الشخص اله لشخصه من مستوا بنظري
شكرا لكم
خالص احترامي
ضد غلاء المهور ما ظل احد يغلي مهر بس لازم العريس هم ادبر اموره اشويه مو ايد وره وايد كدام
الإسلام ليس ألغازًا و ليس لوغاريتمات و لا يحتاج منا إلى كل ذلك التفكير في المهور للزواج
و النبي العظيم محمد صلى الله عليه واله وسلم أجاب فقال في كلمات قليلة بليغة :
"إذا أتاكُم من ترضَوْنَ دينَهُ وخلُقَهُ فزوِّجوهُ إلَّا تفعلوهُ تكنْ فِتنةٌ في الأرضِ وفسادٌ كبيرٌ"
هكذا ببساطة كل المطلوب هو الدين و الاستقامة على مكارم الأخلاق
رد مع اقتباس