هذه قصة حقيقية حصلت في بغداد في منطقة الحرية
عقيد بالجيش عندة ولد صغير عمره 5 سنوات فقط هذا الولد عنده
فد يوم من رجع من الدوام اجة كبل على ابنة (مشتاقلة صار كم يوم ما شايفة )
دور عليه ماكو
كالتلة زوجته تلكاه جوة القنفة
راح لكاه بيدة موس ويكطع بخيوط القنفة من جوة ( يلعب خطية)
ابو طلعة وشبكة
وكلة راح ابزك ابرة باديك ليش اتشكك بالقنفة؟
(يتشاقة وياه ويمزح معه)
ابنة يضحك
وابوه كلة ها ما اتخاف؟ زين هسة ابزك
جاب ابرة ويخوف بابنه ويركض وراه ويلعب وهما يضحكان
بعدين لزمة وجكة ابرة بايدة هاي وبايدة الثانية
وابنة يعيط وهو يضحك وبقوا يلعبون ويضحكون
اليوم الثاني طلعت حباية بايديه اثنينهن
عاجلته امه
ما فاد
اخذة ابوه للمستوصف
وما فاد
يوم الثالث ورمت الحبايتين
يوم الرابع ركض ابوه بيه بالمستشفيات
الاطباء كالوا تلوث صار بايديه
ورة اسبوع بالمستشفى كبر الورم وكام ينتقل الى باقي اليد ويصعد الورم
الاطباء كالوا لازم نستعجل بعملية بتر والا فابنك راح ينتشر بيه الورم ويموت
اظلمت الدنية بعينة
ما مصدك الي صار
وقعت امه على البتر وعمه
الاب المسكين مذهول ما يحجي وية اى احد
بتروا ايدين الطفل
ابوه ما اتحمل طلع وراح للبيت ومن الصبح لبس كامل زيه العسكري وراح للمستشفى
طب على ابنه
واحد يباوع على الثاني ساكتين
الى ان الابن كال للاب
بابا واللة بعد ما اسويهة
لم يتحمل العقيد وطلع المسدس وصوب على راسه وانتحر
هاي القصة للاسف للاسف حقيقية
وصارت ضجة بالمنطقة اثرها والجميع يبكون
رد مع اقتباس
