قريت قصة قبل كم يوم عن تاريخ العراق قديما
طلع العراق فد شي عجيب مو بلد كباقي البلدان
مثلا قصة سد مأرب في اليمن
هذا السد من انهار وتهدم غرقت الاراضي والقبائل
فراحوا وين؟
راحوا للعرافة كانوا اى شيء يصير بيهم مفزع يرحولهة
التمت العرب على خيمتهة
طلعت كالت ها شعدكم
( طبعا مو مقلب هذا ولا نكتة ههههههه قصة حقيقة ترة )
كالوا الفيضان خرب ارضنا وهدم بيوتنة واجينة نستشيرج وين نطي وجهنة
كالت
من كان يريد الخمر العتاق والثياب الرقارق والدم المراق فاليلحق بارض العراق
ومن كان يريد كذا فاليلحق بارض كذا الخ
فناس طلعت للعراق (يمكن لان بيهة خمر) وناس طلعو لجزيرة العرب وناس طلعو لمصر وتفرقت العشائر
فهذا معنى ان العشائر العربية اصلها من اليمن
ماعلينة نرجع للقصة
زين هاي العرافة حجيهة كلة صدك قديما العراق كان مركز لتجارة للحرير
زين الخمر شنو
الخمر همين قديمة شغلتة والعياذ بالله
والدم المراق بعد معروفة
هاي قصة
القصة الثانية
الاسكندر ذي القرنين تعرفونة مو
مذكور بالقران
جان من يطلع بالجيوش الى غزو بلد يشاور الحكماء والفلاسفة ويطلب منهم معلومات كاملة عن البلد
ذاك اليوم اتوجه الى العراق ايريد يغزيه
طبعا هو مو استعمار ولا ظلم حاشاه
بس يريد اعلان التوحيد في كل البلدان وتخليص الناس المقهورة من حكامها المستبدين
زين
استشار عرافة
كلهة اني متوجه للعراق فشوفيلي شنو طباعهم شنو ترتيبهم
واللة المرة شمرت الاحجارات بالرمل وما كو شي
مرة ثانية ضربت بالرمل ونفس الشي
بعدين ملت وضلت صافنة
كلهة ها شكو
كالت واللة اني بعمري ما شايفة مثل هذا البلد الي راح تغزوه
(ترة القصة حقيقة مو هزل يعني)
كلهة راح اتوكل على الله وطلع
واللة طب للعراق وكتل الملوك الظالمين الي جانو يحكمون وشاف الشغلة ما كو شي
ترك واحد نائب عنه حاكما على العراق وخرج
نص الطريق واجتة الاخبار
ها
كلولة ترة العراقيين كتلوا صاحبك النائب
رجع للعراق وحذرهم وهددهم وكلولة سيدنا التوبة والسماح
ترك واحد ثاني وطلع
نص الطريق واجتة الاخبار
كتلوا الثاني ايضا
فالقصد العراق فد شي عجيب منذ اقدم العصور
ان شاء الله في مشاركة اخرى اكتب قصة جلجامش وافسرها الكم
مفاجئة ما راح اتصدكون
رد مع اقتباس
