هنا

[نسمة الدرر]

أكيد لاحضتو بالفترة الأخيرة انتشار عبارات ومصطلحات غريبة ومشفرة بين الشباب العراقي

سواء على مواقع التواصل الأجتماعي أو في الحياة اليومية

انه بصراحة شفت أغلبها على مواقع التواصل الأجتماعي ومتداولة بكثرة

بالبداية ماكنت أعرف معناها شنو ؟؟؟!!!

بس بعد ماسألت عرفت بعضها والبعض الآخر لازال غامض بالنسبة الي


ومن الكلمات المنتشرة عند الجيل الحالي :

الا أطفرك / أدري شلون أطفرني ؟؟

شددد / ماأدري يمكن قصدهم شده ياورد

صلخه بلايك / طبعا هذا المصطلح شفته بالفيس شنو علاقة الصلخ بالأعجاب ماأدري ؟؟؟!!!

اشرررد / أول مرة سمعتها من شاب بالسوك وكلت هذا اشبيه مخبل وين أشرد ورى فترة عرفت من صديقتي انها نوع جديد من الحرشة!!!

يعني اشجابها للموضوع ماأدري ؟؟

حاته / كلمة تقال على البنت الجميلة

سالمين / سالمين لمن باتي بفعل بغير محله ! مثال / الي يروح للمدرسة بيوم عطلة ....ها اخونة سالمين شو مداوم ( شكرا جزيلا على التوضيح القيم استاذ أحمد التميمي)

حديقة / سامر مامقصر وشارح الحديقة بموضوع مستقل هنا شكرا مديرنا

بانكي أو كيكي / أعتقد انها تقال عن الشاب الي يبالغ بشكله ولبسه

عاوية وعوبة / للبنت الي مايعجبهم شكلها

ملطلط / معناها مخربط يعني الشخص الذي لايحسن التصرف والتدبير ( شكرا على التوضيح حبيبتي رتاج)


جرمنا / روح منا أو وخر عنه هههه شكرا رتاج على الكلمة الجديدة ( أول مرة أسمع بيها)

وهاي غير حروف الجر الي اخترعوها هذا الجيل مثل ( عااااا , هع , خخخخ )



هاي الكلمات الي أتذكرتها واذا تعرفون معناها كَلولي

يللا اعترفو شباب وبنات انتو تستخدمون هاي المصطلحات لو لأ ؟؟؟

واذا عدكم كلمات جديدة كتبوها وذكرو معناها

[Mujtaba Xavi]

سالمين
فد شي . كلمه تدل ع الشي رائع

[نسمة الدرر]

سالمين
فد شي . كلمه تدل ع الشي رائع

هههههه شكرا جزيلا على التوضيح أخي مجتبى
راح أعدلها

[ريتاج الطائي]

حديقة

وتجي هم حديقة وبعلم الدولة هع

ملطلط ومنطنط

معناها مخربط وما يعرف يتصرف

اشرررد

تجي بمعنى تخبل

او جرمنا بمعنى روح منا او هوينه

مو مثقفة اني بداعتي نسومة

[*night ~queen*]

اني ما استخدم بس اشرد بس اكييييييييد مو للتحرش هع بس اذا شفت او اكلت شي حلو اكولهة

[نسمة الدرر]

حديقة

وتجي هم حديقة وبعلم الدولة هع

ملطلط ومنطنط

معناها مخربط وما يعرف يتصرف

اشرررد

تجي بمعنى تخبل

او جرمنا بمعنى روح منا او هوينه

مو مثقفة اني بداعتي نسومة

ههههههه

شكرا على التوضيح حبيبتي رتاج نورتي الموضوع

[نسمة الدرر]

اني ما استخدم بس اشرد بس اكييييييييد مو للتحرش هع بس اذا شفت او اكلت شي حلو اكولهة

هههههههه همزين طلع معناها شي زين

نورتي هداوي انتي اشررررد ههههه

[هدوء الكون]

ههههه كلهة بصفحة واشررررد بصفحة كلش ماتعجبني هذي الكلمة وخصوصاا انها مكررة
من هب ودب يكولهة وطبعاا مابيهة اي معنى

[نسمة الدرر]

ههههه كلهة بصفحة واشررررد بصفحة كلش ماتعجبني هذي الكلمة وخصوصاا انها مكررة
من هب ودب يكولهة وطبعاا مابيهة اي معنى

هههههه اي والله هداوي صدك مابيها معنى احنه من زمان نعرف اشرد معناها اهرب باللغة العربية

شو هسه ضلو يطلعون سوالف سوالف

[ماريان]

ههههههههههههههههه هاي شنو والله مصلحات يراد قاموس لكن مع الاسف ممستخدمتهن ..بس شوية اشرد المعنى غامض ههههههههههه