هذهـ قصيدة كتبهآآ أب لإبنتهـ ..
راقت لي وأعجبتني ،، ويارب تعجبكم ..
يابنـت يكفـي دخيلـك لاتبوسينـي
خلاص يكفي تـرى مليـت مشكـورهـ
وش لك بخدي يابنت النـاس فكينـي
عندي طريقة وهي موعيب محظـورهـ
نامي على صدر أبوك وحيل ضمينـي
لو تصبح عظام صدري منك مكسورهـ
إنت أساساً مكانـك فـي شرايينـي
مشاركـة بالمحبـة والغـلا "نـورهـ"
ولاهي غريبة علـى مثلـك تحبينـي
لأني أحبـك وأنـادي دوم عصفـورهـ
يابلسم جروح أبوك وفرحـة سنينـي
يامن لها بالضلوع وخافقـي صـورهـ
أهديت غيرك كلام رويشـد "إعفينـي ..
وإنتـ لـك بذمتـي "درة وبلـورهـ ..
أموت في ضحكتك وإنتـي ذبحتينـي
حلوة .. عنيدة .. وكتكوتة . وشطورهـ
أن جيت اريّح وأنـام الليـل توذينـي
متسلطنة تضرب الجـدران بالكـورهـ
تلعب على عينـي الكـورة تورينـي
والله ولا كاسياس وجمهـورهـ
وإذا بكت تنقلـب عنـدي موازينـي
دنياي من دمعها وأن سـال مذعـورهـ
كـأن الـزلازل بصـدري والبراكينـي
قامت تفجر وكـأن الـروح مخطـورهـ
واذا ضحكت قلت أنا بالسوق بيعيني
لو كان سعري ثلاث ريـالات معـذورهـ
والله ما أحسد على ضحكك سلاطينـي
أموالهم في بنوك جنيـف محشـورهـ
إنت حياتي وعمري شمعـة سنينـي
ودي اشوفـك إذا شيّبـت دكتـورهـ
أدواي لاجيت لك تعبـاااان ضمينـي
الوصفة اللي تـرد الـروح "عبـورهـ ..
تحياتي ..
رد مع اقتباس
...
