السلام عليكم ورحمة الله وبركاته
اليكم هذا الشعر في حب أمير المؤمنين علي بن ابي طالب (عليه السلام)
(مو عجيبة شمانحبك ياعلي )
مو عجيبة شمانحبك ياعلي .......... ولاعجيبة شما زغرنه لهيبتك
منع مريم الباري بالمقدس تجيب ..... وانته وسط البيت امك جابتك
مو عجيبة شما نحبك ياعلي .. .......ولا عجيبة الناس لمن عبدتك
انته مِن مثلك يحيدر بالوجود ... ..وياشجاع بسيف يضرب ضربتك
ارضعنه حبك من زغر يابوالحسن... وانفطمنه اعل الهدايه برادتك
ولو كَالوا خيال الجنه يامولاي ........ ماتهمنه الجنه عدنه محبتك
نبقه نندب بالضنك يابوالحسن .... ونبقه وكت الضيج نطلب عونتك
ولو اجانه الموت منخاف الصراط.... وياصراط نخاف وانته بوكفتك
موعجيبة شمانحبك ياعلي... .........ولاعجيبه شمافرحنه لفرحتك
حتى جبريل ابتشر يوم الولادة ... ......وبيك بشر بالولاية بشيعتك
ولانوافي بربع دينك من نريد .... ولوعلكَنه شموع ادينه بصيرتك
مو عجيبه شمانحبك ياعلي ...... ولا عجيبة الشمس لمن طاعتك
لنهه لاجلك ندري خالقها الجليل... ولاهي صعبه شلون تمشي بأمرتك
وشيعتك لولا الشرك بالباري يحيدر... جان كالت كلهه جلّت قدرتك)
مو عجيبه شمانحبك ياعلي ........ ولا عجيبه اعداك لمن خذلتك
العين تكره تبقه تكره شعله منهه.... ولانكَول شلون ناس الكرهتك
وذاك كَبرك كعبه والوادم تزوره ... ..وين ناس العل منابر شتمتك
نبقه نهتف ياعلي انته الولي ..... وخلهه تسمع بينا ناس الضدتك
ونبقى احنا نكَول يالترفض تهت... ومن تموت هناك شنهي حجتك
الدنية مَرّة شماتعيش بهالعمر ... ....وياهلاكك يالخسرت بدنيتك
ويالتريد ارضاة ربك والي حيدر.. وكَبل موتك توب واعلن توبتك
رد مع اقتباس
المشاركة الأصلية كتبت بواسطة مرتضى التركي
