ابوذيات بمناسبة عيد الغدير الاغر
عكدت حبّك بدللالي ولفلاك
قطب للمعجزات اسمك ولفلاك
علي يلصار محرابك ولفلاك
ما والفت اشرار البريه
-------------
رفعنه الهام بسمك وانتهمنه
ولاغيرك يهمنه وانته همنه
ابتلينه بسبب حبّك وانتهمنه
روافظ صرنه ياحامي الحميه
-------------
شكث آلام شاهدنه ولعنه
بحب حيدر يضل دايم ولعنه
من ألله ألف لعنه ولعنه
على المايقتدي بحامي الحميّه
-------------
جفوف الفخر بس عليك يامن
ألتمسّك بيك من الخطر يامن
علي يمصيّر ألألباب يامن
عرف معناك بس ألله ونبيّه
---------------
انفتنّه بحب علي افرض يلمنه
خلّه الايم ابحجيه يلمنه
علي باجر على الكوثر يلمنه
ونشرب بالكؤوس الحيدريه
علي احزاب الشرك فلش وكرها
ركاب الزلم ذللـــــــها وكرهــــــــا
اليشك بفضله ابغضنة واكرهـــــا
والعنة بكل صبــــــاح وكل مسية
علي حاش الذي تكصده يردها
وبالمــــــحشر من الكوثر يردها
الدنيا لو الــــــــــــة رغبة يردها
حكمها بسيفة حماي الحميـة
يمن وجهك يشع عالكون بأنوار
نصد له ولا نخاف النظر بالنار
لو أن حبك يدخل المحب بالنار
جحيم النار يصبح فوز اليه
يحيدر منهو منزلتك وصلها
ياليث الكنت مرحبها وصلها
الخلافه الك نص بيها وصلها
امير انته يحماي الحميه
رد مع اقتباس
