قبل سن الرشد تمت خطبتي
لم تبلغ حتى سن الرشد انقض عليها شبح القبائل وتمت خطبتها برجل قديكون بلغ الاربعين او اكثر
تخاطب ابيها وتقول,,,,,,,,,,,
طفلة صغيرة بوية شلون ترضون
قبل سن الرشد تمت خطبتي
ان بتفكيري احسب للمراجيح
صعب تفكيري لو صار على زفتي
بوية براسي بس طاري الملاعيب
وعلى اللعبات محصورة لهفتي
طاري العرس عندي ابيت ابو بيوت
اشو صارت صدك زفتي و غرفتي
اذا وافقت بوية ازوج اليوم
دزفوني لعد اني ولعبتي
يبوية على المدارس بانية احلام
مسحت احلامي من هلت دمعتي
درس دنياي بوية استعجلت من
وكت دك الجرس .... ما جت فرصتي
احسب انة صرت وي اليحسبون
احسب للدرس موش لقسمتي
يحضن بايع ضمير اطشرت ليش
وليش الضحكة تمسحهة لدمعتي
جبيرة الحلقة بوية على الاصابيع
رهمت حلقتة كدار لركبتي
تمنيت الوكت ما قبل الاسلام
تدفني ولا ابقة بحسرتي
احمد ابو عراق
رد مع اقتباس
