انته آيه من الجمال
وانت ربك رادك بهذا الكمال
من اشم نسمات عطرك روحي تشتاك لشبكتك من بعيد
من بعيد انتظر جيتك انت يالجيتك هلال
يالحنانك غطه حزني وما احس بدنيتي من غير شخصك
انت من صنع الخيال
آه يصوتك من اسمعه يكول احبك
اسمع انواع الطرب بأوتار صوتك
وهذا يعنيمو حقيقه فعلاً انت من الخيال
والسنين البيها مرينا بمحطات الغرام
انه متأكد اذا ننسه علينا اكبر حرام
وما نسيت
ودارت الدنيا وطلعت انت النسيت
بلحظه وحده
تحسفت كل البنيته
وانكسر واهس عشكنا وطايح ابابك لكيته
وانكطع وصلك علي من بعد ذاك الوصال
ادخلت ساحه غرامك كلبي طيب
وانت كلبك من حديد
وياحسافه انت ربحت ذاك النزال
ومن بعد ما عذبتني ولوعتني
دست فوك جروحي كوه وأنفجر بركان صوتي
وصحت ما اصبر تعال وكتعال وكتعال
وكتعال وشوف حالي حال ديره بلايه وادم
ويمك تخيل الحال
واصبحت عدي قضيه وردت هاي الناس تحكم
لان سالفتي صفت شي يقال
منهو غلطان بعشكنه وطبعا انته
لان مثلي صعبه تلكه يدللك هذا الدلال
بقلمي
رد مع اقتباس
