عيد الغدير اليوم عيد المسره
ويا علي الما والاك من عنده نبره
بعيد الغدير الكون يا حيدر ينور
ولولايتك مولاي كل عمري منذور
عيد الغدير اليوم أفرح يشيعــي
أعلن نبي الأسلام حيدر شفيعي
رغم الحجي المدسوس رغم السقيفه
حيدر ابو الحسنين اول خليفه
من أجمل الأيام يومـــــك يحيـــدر
صار ألنه أعظم عيد والحبك أنسر
ــــــــــــ
يوم التنصب صار حيدر ولينـــه
عم الفرح بالكون وأحنه أهتدينه
ــــــــــــــ
للمرتضه الكرار جددنه بيعــه
ونهني أم أحسين هيه الشفيعه
ـــــــــــــ
يوم الفرح هاليوم شيعه أنهدينه
ونعايد الكرار نكصد أجينـــــــه
ـــــــــــــــ
يم حيدر الكــــرار جينــــــه نوقــع
نور الوصايه اليوم من عنده أيشع
ــــــــــــــــ
سجلنــــه ياكـــرار زوارك أحنــه
جددنه عهد أوياك للحضره رحنه
ــــــــــــــ
من كلبي اللهفان أبعث سلامي
وبسيرة الكرار يحلـــــه كلامي
ــــــــــــــ
حيدر يبو الشدات حامي الحميه
أشفعلي يلمهيوب يوم الجزيــــه
ـــــــــــــــ
بيك أحنه متمسكين ياداحي الباب
ونظل نحبك دوم واليكرهك خـابـــــــــــــــ
نورك علي مخلوق كبل الخليقــــه
وي نور أبو الزهراء أجمل حقيقه
ـــــــــــــ
مني تزول أهموم وبحضرته أتطيب
حيدر علي الكرار أحبابه متخيــــب
ــــــــــــــ
أتمنه أبكل يوم للحضره أكصــــد
وبصحن أبو الأيتام عصريه أكعد
ـــــــــــــــــــــــــ ـــــــــــــــــــــــــ ــــــــــــــــــــــ
رد مع اقتباس
المشاركة الأصلية كتبت بواسطة كناري الورد
