پێشبینی ده‌كرێت بارانبارین له‌مساڵدا له‌هه‌رێمی كوردستان زۆر بێت و به‌به‌راورد به پارساڵ رێژه‌ی باران كه‌متر نه‌بێت.
فازل ئیبراهیم به‌رێوه‌به‌ری گشتی كه‌شناسی و بومه‌له‌زه‌ی هه‌رێمی كوردستان به خه‌ندانی راگه‌یاند،" به گوێره‌ی نیشانه سه‌ره‌تاییه‌كانی وه‌رزی بارانبارین و كه‌ش و هه‌وای ئه‌مساڵ پێشبینی ده‌كرێت رێژه‌ی بارانبارین به‌تێكڕای ساڵی رابردوو بێت و كه‌م نه‌بێته‌وه". وتیشی: "به‌و پێیه ئه‌مساڵ ئه‌گه‌ره‌كانی كه‌مبوونی بارانبارین لاوازه، چاوه‌ڕوان ناكرێت وشكه‌ساڵی له هه‌رێمی كوردستان رووبدات" .
به‌وته‌ی به‌رێوه‌به‌ری گشتی كه‌شناسی هه‌رێم، زۆرترین ئه‌و كاریگه‌ریانه‌ی كار ده‌كه‌نه سه‌ر كه‌شوهه‌وای هه‌رێمی كوردستان ئه‌و نزمه پاڵه په‌ستۆیه‌یه كه له ده‌ریای سپی ناوه‌ڕاسته‌وه كار له سه‌ر ناوچه‌كه ده‌كات، ئه‌وه‌شی راگه‌یاند كه،" چڕی ئه‌و بارانه‌ی له كوردستان ده‌بارێ ، ده‌كه‌وێته سه‌ر چڕی ئه‌و نزمه پاڵه‌په‌سۆیه‌ی له ده‌ریای سپی ناوه‌راسته‌وه دێت" .
به‌رێوه‌به‌ری گشتی كه‌شناسی هه‌رێم روونیشیكرده‌وه: هه‌ندێجار به‌هۆی بوونی چیا و شاخه‌كانی هه‌رێم له‌كاتی هاتنی ئه‌و نزمه پاڵه‌په‌ستۆیه چڕییه‌كه‌ی كه‌م ده‌بێته له بارانبارینێكی زۆر ده‌بێته دلۆپه و پڕوشكه باران، به‌لاَم له‌كاتی یه‌كگرتنی هه‌ردوو نزمه پاڵه‌په‌ستۆی ده‌ریای سپی ناوه‌راست و ده‌ریای سور، ئه‌وا بارسته هه‌وایه‌كی باش روو له هه‌رێم ده‌كات و بارانێكی زۆر ده‌بارێ.
جگه له پارساڵ، رێژه‌ی بارانبارین له هه‌رێمی كوردستان و ناوچه‌كه كه‌مبوو به به‌راورد به‌پێشوو، پێشبینیش ده‌كرێت زستانی ئه‌مساڵ سه‌خت بێت و به‌شێكی زۆر له وڵاتانی جیهان بگرێته‌وه.
رد مع اقتباس