ﺑﺲ ﻛﻠﻲ ﻣﺎ ﻣﻠﻴﺖ ﺑﻌﺪﻙ ﺗﻨﺎﻓﻖ ﻭﺗﺠﺬﺏ ﻋﻠﻴﺔ
ﺗﻌﻠﻤﻨﻲ ﺍﻟﺨﻮﺓ ﻭﺍﻧﺘﻪ ﻣﻦ ﺍﻳﺪﻙ ﻛﻞ ﺭﺩﻳﺔ
ﻣﺎ ﻣﻠﻴﺖ ﺍﻟﺠﺬﺏ ﻋﻠﻰ ﺭﺍﺳﻚ ﻣﺰﻫﺮﻳﺔ
ﻣﻦ ﺻﺪﻙ ﺗﺨﻮﻥ ﻋﺮﺿﻚ ﻭﺍﻫﻠﻚ ﻭﺍﻟﺨﻮﻳﺔ
ﺗﻌﺮﻑ ﺍﻟﻌﻴﺐ ﻭﺭﺍﺳﻚ ﻣﻠﺼﻮﻡ ﺑﺎﻟﻄﺎﺋﻔﻴﺔ
ﺍﻟﻴﻮﻡ ﺗﻜﻠﻲ ﺍﺧﻮﻱ ﻭﺑﻀﻬﺮﻱ ﺧﻨﺠﺮﻙ ﻋﺘﻴﺔ
ﻋﻤﺖ ﻋﻴﻨﻚ ﺟﺬﺍﺏ ﻭﺍﻟﺠﺬﺏ ﻣﻨﻚ ﺍﻟﻲ ﻫﺪﻳﺔ
ﺩﺭﻭﺡ ﺑﺮﺭ ﻛﻼﻣﻚ ﻳﻢ ﺍﻟﺒﺎﺭﻱ ﻭﺷﻮﻑ ﺷﻜﻢ ﺧﻄﻴﺔ
ﺍﻧﻲ ﻃﺒﻌﻲ ﺍﺻﺪﻙ ﺑﺲ ﺍﻟﻠﻪ ﻳﺪﺭﻱ ﺑﻴﻚ ﺑﻴﺪﻙ ﺍﻟﻤﺪﻳﺔ
ﻋﻤﺖ ﻋﻴﻦ ﺍﻟﻲ ﻣﺎ ﻳﺮﻭﻱ ﺍﻟﻤﺎﻱ ﺍﻟﺼﺎﺣﺒﺔ ﻭﺧﻮﻳﺔ
ﻫﺎﻱ ﺩﻧﻴﺎ ﺷﻜﻢ ﻳﻮﻡ ﺗﺨﻠﺺ ﻭﻳﻢ ﺭﺏ ﺍﻟﻌﺒﺎﺩ ﺍﻟﺮﻭﻳﺔ
ﻫﺎ ﻳﺎﻟﺒﻌﺖ ﺍﺧﻮﺥ ﻟﻠﺴﺎﻓﻞ ﺑﺴﺎﻟﻔﺔ ﻭﻛﻠﻤﺔ ﺭﺩﻳﺔ
ﻻﺗﻨﺴﻰ ﺫﺍﻙ ﺍﻟﻴﻮﻡ ﺟﺎﻥ ﺍﻟﺴﺎﻓﻞ ﻋﺪﻭﻙ ﻭﺍﻟﻴﻮﻡ ﺍﻧﺖ
ﺧﻮﻳﺔ
ﺍﻟﻠﻪ ﻳﺮﺣﻢ ﺍﻳﺎﻡ ﺍﻟﻌﺰ ﻫﺎﻧﺖ ﻋﻠﻴﻚ ﺑﺲ ﻋﺎﺟﺒﻚ ﺍﻻﺫﻳﺔ
ﻫﺎﻱ ﺍﻟﻜﺮﺍﻣﺔ ﺿﺎﻋﺔ ﺗﻌﺎﻟﻲ ﻳﺎﺑﻨﺖ ﺍﻟﻨﺎﺱ ﻧﺘﻮﻧﺲ ﺳﻮﻳﺔ
ﺍﻟﻠﻪ ﻳﺮﺣﻢ ﺟﺪﻱ ﻭﺟﺪﻙ ﺍﻟﺤﻴﺎﺀ ﻧﻘﻄﺔ ﻋﻠﻰ ﺍﻟﻜﺼﺔ ﻧﺪﻳﺔ
ﻭﺫﺍ ﻃﺎﺣﺔ ﻓﺪﻳﻮﻡ ﻻﺗﻀﻦ ﺍﻧﻲ ﻭ ﺍﻧﺘﻪ ﻧﻜﺪﺭ ﻧﺠﻤﻌﻬﺎ
ﺳﻮﻳﺔ
ﻋﻠﻤﻨﻲ ﺷﻠﻮﻥ ﻋﻠﻢ ﺑﺎﻟﺮﺻﺎﺻﺔ ﺗﻜﺘﺐ ﻋﻠﻰ ﺩﻡ ﺍﻟﻀﺤﻴﺔ
ﻫﺎﻧﺖ ﻋﻠﻴﻚ ﺍﻟﻌﺸﺮﺓ ﻭﺍﻟﻘﻴﻢ ﺻﺎﺭﺕ ﻧﻘﻤﺔ ﻣﺬﻫﺒﻴﺔ
ﻫﺬﺍ ﺍﻟﺪﻳﻦ ﻣﻮ ﻟﻌﺒﺔ ﻭﻛﻠﻤﻦ ﻛﺎﻝ ﺩﻣﻚ ﻣﻬﺪﻭﺭ ﻭﺍﻟﻔﺘﻮﻯ
ﻋﻠﻴﺔ
ﺻﺪﻙ ﺣﺴﻴﺖ ﺑﻄﻴﺒﺖ ﻛﻠﺒﻚ ﻣﻦ ﺯﻣﺎﻥ ﻣﺘﻐﻴﺮﻩ ﻋﻠﻴﺔ
ﺍﻧﻲ ﺍﻟﻴﻮﻡ ﻣﺎ ﺍﺳﻜﺖ ﻳﻠﻲ ﺭﺿﻴﺖ ﺑﺎﻟﺬﻟﺔ ﺑﺪﻡ ﺧﻮﻳﺔ
ﺍﻛﻮﻝ ﻣﺎ ﺍﺷﻴﻞ ﺍﺳﻼﺡ ﺑﺲ ﺧﻠﻲ ﺍﻟﻲ ﻋﻠﻤﻚ ﻳﻮﻛﻊ ﺑﺪﻳﺔ
ﻫﺬﺍ ﻃﺒﻌﻲ ﺍﻋﺮﻑ ﺧﻮﻳﻲ ﻣﺎﻳﻮﻡ ﻳﺨﻮﻥ ﻭﻳﺮﺿﻰ ﺍﻟﻲ
ﺍﻻﺫﻳﺔ
ﺫﺍﻙ ﺍﻟﻴﻮﻡ ﻣﺎﺑﻌﻴﺪ ﺟﺪﻙ ﺟﺎﻥ ﻳﻀﺤﻲ ﻣﻮ ﻋﻠﻰ ﺍﻟﻬﻮﻳﺔ
ﺩﺷﻮﻑ ﺣﺎﻟﻚ ﻛﻠﻪ ﻫﻤﻮﻡ ﻭﻣﺎﺗﺪﺭﻱ ﺑﺎﺟﺮ ﻣﻨﻮ ﻳﻨﻄﻴﻚ
ﻫﺪﻳﺔ
ﺗﺮﺍ ﺍﻟﺪﻧﻴﺎ ﺩﻭﺍﺭﺓ ﻭﻳﺠﻲ ﻳﻮﻡ ﺍﻧﻲ ﻭﻳﺎﻙ ﻧﻜﻌﺪ ﺳﻮﻳﻪ
ﻭﻳﺤﻼﺕ ﻣﺸﻴﺘﻨﺎ ﻛﻠﻬﺎ ﻫﻴﺒﺔ ﻭﻣﺮﺍﺟﻞ ﻭﻧﺼﻠﻲ ﺳﻮﻳﺔ
ﻋﻤﺔ ﻋﻴﻨﻚ ﺍﻟﺪﺧﻠﺖ ﺑﻴﻨﺎ ﻣﺎ ﺗﺪﺭﻱ ﺳﻨﻴﻦ ﺑﺎﻟﺮﻭﺡ ﺳﻮﻳﺔ
ﻻﺗﺤﺮﻑ ﻛﻼﻣﻲ ﺗﺮﺍ ﻣﺎﻳﻔﻴﺪﻙ ﻛﻠﻬﻢ ﻳﺤﺒﻮﻧﻲ ﻭﺍﻟﺒﺎﺭﻱ
ﻳﺸﻬﺪ ﻋﻠﻴﺔ
ﻭﺍﺫﺍ ﻧﻴﺘﻚ ﺩﻳﻦ ﺗﺮﻯ ﻣﺜﻞ ﺍﻟﺸﻤﺲ ﻗﺮﺁﻥ ﻭﺍﻟﻐﺔ ﻋﺮﺑﻴﺔ
ﻣﺎﻳﺤﺘﺎﺝ ﺗﺮﺟﻤﻠﻲ ﺍﻟﺪﻳﻦ ﺍﻟﺴﺎﻧﻲ ﻓﺼﺤﺔ ﻭﺍﻟﻬﺠﺔ ﻋﺮﺍﻗﻴﺔ
ﻛﺎﻓﻲ ﻋﺎﺩ ﻣﻮﺣﺘﻰ ﺍﻟﻲ ﻳﻌﺒﺪ ﺻﻨﻢ ﻣﺎﻳﻜﻔﺮ ﺧﻮﻳﺔ
.
ﺑﻘﻠﻤﻲ
ﻣﻬﻨﺪ ﺍﻟﻄﺎﺋﻲ
رد مع اقتباس