كون تشوف
الى من كانت لكي تبقى الى من بقت لانها كانت
جبت كلشي
وعفت كلشي
ومدري شلون جيت أمشي
أجيتك ردت أكلك شوف
ردنه نعوف كلشي وماكدرنه نعوف
وكون أشوف حالي شكد الك ملهوف
جبت كلشي اليسولف بيك
خيالي وصحوتي وطيوف
جبت دكات كلبي الكطعن كلبي بجفاك سيوف
جبت صفنات روحي
السودنت روحي
مثل جن بمسيه وعلى التين يحوف
وكون تشوف
بشفاف الحزن ماخله بسمه تعيش
كلمن كمت ابوسه بخده أطبع عوف
وكون تشوف
دموع الجدم مايدري وين يروح
كل خطواته عميه وتايها بلا شوف
كون تشوف
خلصت الوجوه وشفت كل الناس
كلها وجوه غربه ولاوجه معروف
وين الكاك
يالموصوف اليه وانه الك موصوف
يل فركاك غربه وكلشي ما مألوف
اني بلايك مدري شبيه مابيه
زلف بلايه ترجيه
درب مابيه كل جيه
نهر فاض وتبع ميه
رجع بس مالكاله جروف
كون تشوف
روحي شخله بيها الخوف
مطلوبت نذر وتخاف
ماتوصل حضرتك من بعيد أطوف
وكون تشوف
روحي شخله بيها الخوف
مثل دمع العروس الجايه على جناب
ويصبر عليها وجابها الزافوف
وشوف شخله بيه الخوف
مثل حلت مدارس روحي احسها اطفال
حلت وتركتني وباقي بس صفوف
وياوحشت صفوفي ومن يجيني الليل
ويالون الوجه بعدك يضل مخطوف
كون الكاك وشكيلك على جروحي
اللكيت الغشمه بيها تروف
وكون الكاك وبجيلك
وسوي خدودي صبوره
ودمعتي حروف
وكون الكاك وشكيلك
بكتابي السنين انحذف كلشي الجان
بس أسمك لكيته الباقي مامحذوف
كون تشوف
عيوني مضيف تصير وكت النوم
وهلبت بالحلم لنك تجينه ضيوف
كون تشوف
حالي شكد الك ملهوف
رد مع اقتباس
المشاركة الأصلية كتبت بواسطة روح مسافره
