قصيدة للمبدع نائل مظفر عن الصداقة
مو كلمن فتحلك باب يهواكك ....ولا كل من يكرهك بابة ينسد..
.
اكو مسدود بابة وكلبة مفتوح ..... وأكو مفتوح بابة وكلبة أسود
اذا طشيت صحبانك على الماي .... أثقلهم وفة الجواك يركد..
واخففهم يظل طافح على الراق ...يروح وية الجزر ويرجعة
المد ...
وأذا محتار سافر تعرف الناس ...منو يزت القطار ويوقف أزيد...
أكو تشدة بحبل ويكطعة ويروح .....وأكو بكلمة شرف عالسكة
ينشد..
وأكو بمشية قطارك عينة تحتار ...وبأخر لحضة وياك يصعد.
.
وأكو يشيل المحطة وية القطارات...ويدقهة على كلبة وصدرة
ينشد..
فرق بين اليعبدك بالمحطات..وفرق بين البناك بكلبة معبد....
ومو كل من ضحكلك منة ترتاح ..ترة ناب الضبع بكل ضحكة ينحد ..
ولا تحقد على كل من يبكيك ...أذا دمعك طفح صدكني تبرد..
البشر دلة ويفور بداخلة الضيم ...أذا يطفح دمع نيرانة تخمد..
ولا تحقد على الصعدو بلا جناح ...معروف الصكر لو جنحة ينشد
ومو كل من نزل يتسمى مذلول ... ولا كل من صعد يتسمى
أمجد ...
أكو صاعد رغم ما هوة على الكاع ...وأكو نازل لو قمة يصعد ...
راسك منتصد أعلى من اليدين ...بس من السهل تتناوشة اليد...
أذا عندك جبل خلهم يصعدون ....فرق بين الصعد والراد يصعد ..
أكو يهد الجبل لو هد الجفوف ....وأكو يهدة الجبل لو جفة ينهد....
وعلى المبرد كفر تنغر السيوف ... لأن سيف على سيف بكلبة
ينحد
وأذا عنهم رحل كلهم يخسرون ... شنو نفع السيوف بلاية مبرد...
وما يرحل جذب خاف يعمون ... ويضل السيف بقصبة ينصد...
أذا تعزف لحن ويذمك أنسان .... لا تكطع كمانك صعبة ينشد
مرات اللحن مايطرب الناس ...ومرات البشر أذاناتة تنسد...
ومرات اللحن تطربلة طرشان ...بس طبع الي يسمعك زور
يشهد ..
على البلبل يكلك منكر الصوت ...وأذا ينهك حمارة يصيح غرد...
أذا حجيك حكم وتخاطب الناس ...كل راس على كدة وياك ينشد ..
لأن روس البشر عكس الفراغات ...كل ما تنترس تستوعب ازيد ..
وأذا تحجي ويرد صوتك كما كان ... يعني اليسمعك فارغ
مجرد ...
صوتك ما يردة الراسة متروس ...لأن بس بالفراغ الصوت يرتد
وأذا ضيمك كبر لاتحجب العين ...وتشوف الدنية كلهة بلون أسود.
منو بهذا الوكت ما غيرة الضيم ....حتى ابيوم الأحد ماكو أحد ...
لكن لا تضل تحسب توابيت ...أنا كبلك علية صب أسود العد ...
أرفعت راسي وكمت احسب بالاعراس ..وعلى خشم السواد الابيض أمتد
ولو غثني الطفل من شفتة بالعيد ...يشل بجروح ثوبة ودمعة عللى
الخد
بس أني أفرحت جي جتة الاطفل ..ومسح كل الدموع وراح عيد ...
علمنة الطفل يصبر على الضيم ...وطلع منا الطفل أيمانة أزيد...
أريد أطرح قضية وأنتم أسلام ....وأريد أسأل جمعكم وأطلب الرد ..
بنيتو شكد معابد كلهة على الكاع ....منو البيكم بنالة بكلبة معبد؟؟..
ما أكولن كفر لو قلت أيمان ...لكن مهزلة وما ألهة أحد .....
لثلاثة الملاهي مفتحة بالليل ...وبالعشرة الجوامع كلهة تنسد..
وبالعشرة الجوامع كلهة تنسد
رد مع اقتباس
المشاركة الأصلية كتبت بواسطة حسن الانيق
