رسمتك بالخيال وعيني تربى اعليك.....
يا اول شخص بالبال حبيته
كبل ما التقيك اكليبي اتلكاك .....
فتحلك بابه هو وانت طبيته
بيها استغربت وتعرفه كتلة منين .....
جاوبني بضحك كلالي عرفيته
لان شفته غشيم وتايه ابدنياه ....
واخذته من أيده أني اعليه دليته
جرح جان بثنيته وغيري ما داواه.....
كمتلة اعلة طولي وجرحة داويته
وعليه اتعاركت وي كلبي لمته اهواي ....
كتلة اشلون تعشك شخص حاجيته
رجع كلبي اعتذر حبيته لجلك كال.......
ولان بيه الصفات الحلوة ضميته
حلو مثل الكمر والنور من معناه ......
ورد خدة وتنكط شوك حنيته
مرمر جن ركبته امرصعة ابالماس.......
وتحت أذنه الشمس لاحتلي ترجيته
عيونه اوساع بيها اتيه العشاك .....
وحواجب سيف تجرح لون عاديته
الحلك جنه خرزة وبيه شفت اشيوخ.......
تركض عالثواب التعتقد صيته
ولهذا السبب روحي اشتهت ملكاه.......
واطش اسنين فرحي لون لاكيته
رد مع اقتباس
المشاركة الأصلية كتبت بواسطة warda
