هنا

[ارجع يازمان]

الشاعر حسين الساعدي‎
مساجلة العيد
وكل عام والجميع بسلام
حسين الساعدي
//////////////////
سؤال دارمي
///////////////////
راح أسئل ابهل عيد كل الأجاويد
للمايجونه أحباب هم ينحسب عيد
؟؟؟؟؟؟؟؟؟؟؟؟؟؟؟؟؟؟

الدعوه عامه لجميع الشعراء
بالمباشر فقط
لا للمنقول
لا للقديم
ربما شينشر الموضوع بكروبات كثيره لاستقطاب الكثير من المبدعين
//ولكن//
ستكون ردودي على مشاركاتهم حصرياً في صفحتي المتواضعه-فيس بوك-
والرجاء من كل الاعزاء الاصدقاء ان لا يكتبو بالخاص بوقت المساجله لاني ساكون مشغول بالمساجله!
والرجاء من المبتدئين ان لا يرسلو المشاركه الا بعد ان يتأكدوا من روعتها
واي مساعده يحتاجون يراسلوني بالخاص وخلال ثواني ان شاء الله ستكون مشاركتهم جاهزه للنشر وبسريه تامه!!
/////////////////
مع تحيات
حسين الساعدي
-------------


الشاعرمحمدحنظل الساعدي

الماتمره احباب مايحس بالعيد
او لا لذه بيه اتصر واسئل اجاويد
------------

الشاعر حسين الساعدي
علمني بالله اشلون وبهيجي حاله؟
المن ابيوم العيد يطلق سؤاله؟

----------------
الشاعر علي الشويلي

لومايجي المحبوب وبلهفه اشبكه
ليفوك اشيل العيد بلكاع اطكه
---------------

الشاعر حسين الساعدي
لوما يجيب اهواك ما ينحسب عيد
كله ارجع اولتعود هالجيه متفيد
---------------


الشاعر محسن الحميداوي

تسألني اجاوب راح يل حزني قاريه
عيد البلايه احباب عاشور اسميه
--------------

الشاعر حسين الساعدي
يتبدل ابعاشور عيد اليجيني
ولوما اشوف اهواي ماتسوه عيني
--------------

علاء سعدون
عيد الله اجانا اليوم مرحب بلعياد
وحبابي ميمرون جي لنهم ابعاد
------------

الشاعر حسين الساعدي
يامحله يوم العيد وبنص أهلنه
---------------

السيد أبو حميد العبدلي
الما تمرله احباب لو حزن معذور
مو عيد عنده يصير ينكلب عاشور

-----------------

الشاعر حسين الساعدي
والما تمرله احباب عيده ابكأبه
عيد الهجر جذاب ليش الله جابه
--------------

السيد أبو حميد العبدلي
الما تمرله احباب ما يسوه عيده
يفرح .؟ اعذرني بهاي كلّش بعيده
--------------

الشاعر حسين الساعدي
وين الفرح يلكاه وأحبابه غياب
روحه التطير ابساع وي دكت الباب
------------

علاء سعدون
لوبلغرب لحباب اصبر يرجعون
والرافك الجناز يتعايد شلون
------------

الشاعر حسين الساعدي
هيجي المصيبه اوياك عجبه انته صابر
روح اكضي كل العيد بين المكابر
------------

Tall Alward
كل الاحباب اليوم لبسو هلجديد
وانه اسواد اهدوم وباليلة العيد
------------

الشاعر حسين الساعدي
عاند زمانك دوم وابقى ابعنادك
لاحبابك الماشين ضل ابسوادك
------------

الشاعر جبار العايدي
شنهو الطعم بالعيد من دون الحباب
ماحسبه اصلن عيد او لا اطلع الباب
------------

الشاعر حسين الساعدي
صدكني حته الباب مثلك عليهم
ناطر ابيوم العيد لمسات اديهم
------------

قاسم الساعدي
مغبر لفاني العيد بس جيته شتفيد
جي ما لفولي احباب كمت اصفك الايد
------------

الشاعر حسين الساعدي
وما يجيب احباب ما افتح الباب
عيد الاجانه اليوم صدكني جذاب
------------

لسيد أبو حميد العبدلي
عيد المبي احباب مو مثل الاعياد
هم وقهر وآلام بالكلب تزداد
------------

الشاعر حسين الساعدي
بالغربه مهمومين ماشفنه الاعياد
وصارلهه عشر اسنين مجروحه بغداد
------------

السيد أبو حميد العبدلي
جنت انتظر للعيد واحسبله ساعات
بس ولفي عني ابعيد ياوسفه بذات
------------

الشاعر حسين الساعدي
لا تحسب اولتدوخ وتضيع الحساب
عيد اليمر ينشاف بعيون الاحباب
------------

السيد أبو حميد العبدلي
عيّدت كل الناس وآنه اعلى حالي
من فركت الخلّان صفنه اعله بالي
------------

الشاعر حسين الساعدي
صدكني حته العيد يبجي اعله حالي
من فاركوني احباب شوف اشجرالي

------------

السيد أبو حميد العبدلي
عيد اليمر عالناس خير ومسرّه
بس عيدي وسفه وحيف منّي تبرّه
------------

الشاعر حسين الساعدي
متحزم احزامين عيد الاجاني
دك طبله للشمات عللي نساني

------------
Gaber Almosiwe
حنظل يمر بالريج عيد اليمر بيك
?شفت شخصك بيه و?مرني طاريك
------------
الشاعر حسين الساعدي
شحجيلك الأيام كلش كئيبه
ضايع حبيب الروح ومنين اجيبه
------------
الشاعر زاهد الشمري المسعودي
كَلبي يكَلّي ايجون وي هلّة العيد
كتله وتظل جم دوب المارادك اتريد؟؟
------------
الشاعر حسين الساعدي
ياكلبي لو للموت هَم ما نساهم
وارفض واعوف العيد وامشي الهواهم
------------
قاسم الساعدي
صحرة وشحيحه ماي وتكطع اجلاي
هيج انه يوم العيد من تجفي وياي
------------
الشاعر حسين الساعدي
والدمعه يوم العيد كلش شحيحه
والورده عاالغياب مابيها ريحه
------------
السيد أبو حميد العبدلي
يا عيد انه بيا حال يالعايدتني
من فركة الخلان منهدل متني

------------
الشاعر حسين الساعدي
متكدر وهالعيد هالليه ضيفك
باجر يجي عاشور وابجي اعله كيفك
------------
الشاعر علي الشويلي
شفت انه ملج الموت موعيد اجاني
وانطي الوجه ليوين حرت ابزماني
------------
الشاعر حسين الساعدي
اي والله ملج الموت مو عيد اجالك
وبحاجة الدفان لو هذا حالك

------------
Tall Alward
والبلنجف نيام ميردهم العيد
ياروحي هذا اليوم شوفتهم اتريد
------------
الشاعر حسين الساعدي
والبلكبر بالعيد طال انتظاره
عينه اعله باب الموت راد الزياره
------------
قاسم الساعدي
فرفحت روحي اليوم ونهد رسنهه
كمت انه اون بالعيد ون ام لابنهه
------------
الشاعر حسين الساعدي
روحك خطيه ابضيم والعيد اجاهه
رادت حبيب الروح ما عاوداهه
------------
الشاعر محسن الحميداوي
يل عني رحت بعيد بي ازرعت اه
عيدين احس بالعيد لو جابك وياه
------------
الشاعر حسين الساعدي
بعيونه اشوف العيد لو عاينيته
بس ينكلب عاشور لو ما لكيته
------------

الشاعر زاهد الشمري المسعودي

كَلبي يكَلّي اشلون انسه الأحبهم
كتلة الهموم البيك يكليبي منهم
------------

الشاعر حسين الساعدي
كلبك شبه بركان ما تطفه ناره
وانوب اجاك العيد سويله جاره
------------

الشاعر جبار العايدي
باجر يهل العيد وشلون اعيد
بالغربه ماحس عيد يالعني مبعد
------------
الشاعر حسين الساعدي
باجر يجينه العيد يابويه باجر
والفارك الاحباب يكسر خواطر

------------
الشاعر زاهد الشمري المسعودي
يا كَلبي أنسه وعوف علكَم هواهم
أيكَلّي مهما يكون ما احب سواهم
------------
الشاعر حسين الساعدي
كص كلبك ابسجين وبسرعه ذبه
ماينسه حب الراح جا هيه لعبه

------------
الشاعر علي الشويلي
طحت ورمح بلعيد فج كلبي نصين
وعيوني مشتاكات للغايب اسنين
------------
الشاعر حسين الساعدي
فج الكلب مخطور بالله اعله هونك
صدكني راح اتموت لو ما يجونك
------------
Tall Alward
اطلب ابيوم العيد بس طلب واحد
ويحفظك النه دوم يبن السواعد
------------
الشاعر حسين الساعدي
عيدين اشوف العيد وياكم انه
حاضنكم الدلال تارك مَكانه
------------
الشاعر علي الشويلي
جمره ابوسط جانون هيج انه حالي
وحبابي راحو حيف محد صفالي
------------
الشاعر حسين الساعدي
والفارك الغالين بعيونه شَجاي
ويعينك الله ابهاي جمراتك اهواي
------------

الشاعر وسام العزاوي
ماينسحب والله لمو ما اجونة
تنزل دموع العين عالفاركَونة
------------
الشاعر حسين الساعدي
لوما يجي المحبوب وايد بحضن ايد
صدكني هذا العيد ماينحسب عيد
------------
الشاعر علي الشويلي
مايطفن الجمرات صف ابفرد صف
والنظر علماشين منعدي هم كف
------------
الشاعر حسين الساعدي
زين وتشوف الناس ومكفكفه العين
ضاع النضر من يوم كالولي ماشين
------------

الشاعرقاسم ابو دلف العامري
يلساعدي اوياعيد التحجي عنه
عيد الله يتوحدون شيعه وسنه
------------
الشاعر حسين الساعدي
صدكني متوحدين وبحجيي صادق
والفتنه ابد متصير بشجم منافق
------------
Tall Alward
شد الزمان وياي مني اخذهم
ومنهد ذاك العيد ايست منهم
------------
الشاعر حسين الساعدي
ليش الزمان اوياك شداهه شيريد؟
شافك ابغير احباب ودالك العيد
------------
الشاعر علي الشويلي
راح النظر وروح مخنوكه صارت
وتنطي الوجه ليوين يحبابي حارت
------------
الشاعر حسين الساعدي
مخنوكه روحك جيف ضايع هواهه
ياصفنة البلعيد مدري اشوراهه
------------

أبوطيبه السعيدي
عيد الحزن يحسين لو مامش أحباب.
وفيض الدمع مجراه حد عتبة الباب.
------------
الشاعر حسين الساعدي
عيد الحزن والباب يستنه غياب
وتصنت الونات تسمعها بالباب

------------
أبوطيبه السعيدي
كل عيد أبد ماريد لايدك بابي.
إله ويجيب وياه ريحة أحبابي.
------------
الشاعر حسين الساعدي
ريحة احبابك وين صارت بعيده
والمثلك ابيا حال يتلكه عيده

------------
أبوطيبه السعيدي
عيد وبلايه أحباب مايسوه عانه.
إله الكلب محطوط صخره بمجانه
------------
الشاعر حسين الساعدي
شافانه مهمومين وبسرعه اجانه
ياخويه هذا العيد بلوه وبلانه
------------
أبوطيبه السعيدي
إلفارك أحبابه إشلون ينوصف عيده.
وكلب اليحب يحسين ماهو حديده
------------
الشاعر حسين الساعدي
بس يا طريقه اشلون نكدر نجيبه
لوما يجي اويه العيد تحدث مصيبه
------------
أبوطيبه السعيدي
صافن يضل مهموم باله عله الاحباب.
ويفز مثل مجنون وي دكة الباب
------------
الشاعر حسين الساعدي
يتوقع ايدكون هالساعه بابه
ولوما اجو لليل يعلن مصابه
------------
أبوطيبه السعيدي
ماعيدت ياريل ويه اليعيدون.
بلكت تجيبه وياك وتفرح العيون
------------
الشاعر حسين الساعدي
تتوقع امن الريل شوكي ويجيبه
متفائل انته اهواي لا يابو طيبه
------------
أبوطيبه السعيدي
لو ماإجو بلعيد أعلن حدادي.
لحد جية الغالين أبقه بسوادي
------------
الشاعر حسين الساعدي
ضل ابسوادك دوم واعميه العيون
خل الحداد ايطول ماظن يعودون
------------
أبوطيبه السعيدي
مثل الطفل بلعيد رايد هديه.
بلكت يحن الريل ويجيبه ليه
------------
الشاعر حسين الساعدي
هاي الهدايا اشكال حلوه وعجيبه
بس لا تظن بالريل ماظن يجيبه
------------
رحيم الساعدي
شنهي حلات العيدمن دون الحباب
مثلي بسجن موجود ومقفل الباب
------------
الشاعر حسين الساعدي
لوما يجيب احباب ما ينحسب عيد
من هسه خل ايروح كل جيته ماريد
------------
أبوطيبه السعيدي
بلكت يحن علحال لينه ويردهم.
ويذكر شبه مجنون تابع ضعنهم
------------
الشاعر حسين الساعدي
ترجه المحنه ابريل! كلش بعيده
وتدري ابكلب هالريل وصلة حديده
------------
أبوطيبه السعيدي
شنهي العمل يحسين ماتلكه جاره.
بعيدي وعلي إهواي كطعت أخباره.
------------
الشاعر حسين الساعدي
ماعندي راي اشلون ندري ابضروفه
لوما يجيك ابطيف ماظن تشوفه
------------
أبوطيبه السعيدي
عيد بهجر ماريد مايروي ضامي.
توح إيدي أشمره إبعيد ويردلي حامي
------------
الشاعر حسين الساعدي
يرجع عليك ابساع جي ما تريده
مايوصل البطران واليرجه عيده
------------
أبوطيبه السعيدي
يمكن بطر هلناس باجر يعيدون.
شو كلبه سبع أوجوه هم تلكه مضمون
------------
الشاعر حسين الساعدي
هاليمكن إمن البال تمسحها كلش
كلي اشيرجع الطير لو هدم العش!
------------
أبوطيبه السعيدي
كلبته سبع وجوه بس دم تجاره.
وكلي شيفيد العيد للدوت ناره
------------
الشاعر حسين الساعدي
ميفيده غير الموت وبحاله وحده
وبحفرته ايخلوه ابصف اليوده
------------
Asola Ali
كالولي اجاك العيدجا ليمته اتهيد
عيد اليمر بجفاك ماينحسب عيد

------------
الشاعر حسين الساعدي
عيد اليمر بجفاك عاشور اسميه
ياكمر هذا العيد نورك يضويه
------------
أبوطيبه السعيدي
سور الصبر مهدوم وي جية العيد.
جابالي شيب الراس غير التجاعيد
------------
الشاعر حسين الساعدي
ولتخلص الدمعات قسمهه تقسيم
واسمح طلاع الروح حد البلاعيم
------------
أبوطيبه السعيدي
ماضل دمع يحسين بس دم يكتن.
بعملت هذاك العيد حسبالي يعمن
------------
الشاعر حسين الساعدي
زين بضرف عيدين وتعاين اشلون؟
صدكني باول عيد ماضلت اعيون
------------
أبوطيبه السعيدي
بعيد وفرح يحسين لن عوية الذيب
خلطت أشلاء أطفال ويه الملاعيب
------------
الشاعر حسين الساعدي
كالوهه بالامثال كلمن نصيبه
وهذا العراقي اليوم يدفع ضريبه
------------
أبوطيبه السعيدي
ليش إنحكمنه بهاي ياشرع جازه
بعيد الله كل حي راح شيع جنازه
------------
الشاعر حسين الساعدي
مكتوبه عالطيبيين هاي المأسي
والجابو الارهاب اهل الكراسي

------------
أبوطيبه السعيدي
لازم أيتام العيد باجر يذكرون
نكبة هذاك العيد وتسيل العيون

------------
الشاعر حسين الساعدي
ميه بالميه العيد عاد المواجع
وشجم حزين اليوم هلهه المدامع
------------
أبوطيبه السعيدي
بس وحده بيه العيد: نذبح ضحايه
وماندري وين إيصير درب النهايه
------------
الشاعر حسين الساعدي
بالعالم الاطفال تاخذ هدايا
واحنه يريد العيد منا الضحايا
------------
أبوطيبه السعيدي
ماأختلف وياك بس السياسي.
إمعيد وفرحان وأهل الكراسي
------------
الشاعر حسين الساعدي
شمعيد اتحداه ايطب للشوراع
هذا السياسي از--- بالخضره كابع
------------

سيد حميد النوري
عيداليجيني ابصير خل جنه عاشور
والغرفه ساحه موت وي نفخت الصور

------------
الشاعر حسين الساعدي
عيد الاجه ابرمضان ربعي وخذاهم
شو جانه هذا العيد ما رجعاهم
------------
أبوطيبه السعيدي
هذا السياسي از----- للخارج إيطير.
مو من تفك. لو جاه صوت الصراصير
------------
الشاعر حسين الساعدي
ملتهي ايبوك افلوس ميهمه عيده
وبكبر هم الناس يكبر رصيده
------------
Tall Alward
لا نصل الى ابداعكم ولكن لشرف المشاركه
بعيدي الايتام اهواي ياكلبي شتريد
لا ترضه بالاحزان لا ترضه بالعيد
------------
الشاعر حسين الساعدي
عذبني هالدلال ما ثابت ابراي
كلبي واحسن بيه ماصافي وياي
------------

Tall Alward
بهل البلد هاي ايتام ماعدها وليان
ياوسفه هل ارهاب خلاها جثمان
------------
الشاعر حسين الساعدي
من قدم الارهاب غير السياسي؟
احنه انتخبنه اشعيط واحنه النقاسي
------------

علاء السويدي
اهلا وسهلا بيك عيد الضحيه
نعايد اهل البيت وخير البريه
------------
الشاعر حسين الساعدي
ونعايد ال البيت ويه الحبايب
والمهدي يم احسين ما جنه غايب
------------
Tall Alward
والغربه ماتراد والحب مصيبه
مروتك يعيد اوياك محبوبي جيبه
------------
الشاعر حسين الساعدي
والغربه ويه العيد دارن عليه
وامنين اجيب ادموع هاي المسيه
------------
Tall Alward
المهدي يم الحسين ويزوره كل عام
وبيت الله أسير اليوم والسلطه ظلام
------------
الشاعر حسين الساعدي
والمهدي يم حسين والكعبه كلها
راحت ابيوم العيد هيه واهلها
------------
أبوطيبه السعيدي
عيد السلامه عليك ياكل عراقي.
بحيل الله بلإرهاب مايبقه باقي
------------
الشاعر حسين الساعدي
امين اكول ابصوت وانه ابغربتي
يحفظ عراق الخير وبحق دمعتي
------------

أبوطيبه السعيدي
بعيد الله هذا وكون يلتم شملنه.
ونتوحد عله الجور شيعه ويه سنه
------------
الشاعر حسين الساعدي
بأذن الله هاي اتصير تصفه النوايا
ملينه ننطي اهواي من الضحايا
------------
عيد الاضحى 16-10-2013
وكل عام والجميع بسلام
حسين الساعدي
--------



انتخبوني!!
حسين الساعدي
×××××

انتخبوني وراح أرشيكم
وأنطي الكل واحد مليون

وبدمعات الفقره أسكيكم
والحسرات ابكل ماعون

وَترهه وراح العب بيكم
لعبه وكضاهه المجنون!

ياغشمه وما أستخطيكم
ودعتو الشحمه البزون!

والله الما يقبل تاليكم
وياي إوصرتو اتبوكون!!

وبذرات الغيره اعليكم
أستركم من اتموتون

وَأعرف بلعازه امخليكم
بس ما أرضاهه اجدون
بس ما أرضاهه إجَدون
ااالساعدي

-------------

مريم حسين= دوخني حبك حيل وبعيني رسمك--وعمي الاجانه اليوم ناديته بسمك--------------روعه------زين انته بس ناديت لو تعرف اشلون--سولفت نكته اليوم يم اليعزون

--

مريم حسين =دوخني حبك حيل هذا الله شاهد -وبموتي يتورطون كل السواعد ----- روعه ههههههه--انته الصرت مجنون لا تبتلينه--والموتتك محتام واحنه إشعلينه

=
مريم حسين= دوخني حبك حيل راواني الهموم-أصرخ والم الناس لوما تجي اليوم--------رروعه----تصرخ تِسَمع الصوت خافن يسمعون--شماتي ويكولون حباله مجنون
=
مريم حسين =جنني حبك نار لو تعرف اشلون--سمونه هاي الناس ليله اويه مجنون-----رروعه-----ياليله حبج هاذ خلاني مجنون-- وبقصتي الاشعار صارو يكتبون
=
مريم حسين= يلغالي صرت اليوم قيس ابزمانك--كل احنه عطشانيين نروه ابحنانك
-------ررروعه------------وياليله شفت الضيم من كد عذابج--شيبتي كل الراس وانتي ابشبابج

=

مريم حسين =حبك سبالي الروح واشلون اعوفك-- والفيس افجره اليوم لوما اشوفك-------رروعه-----هددتي هاي الناس يا بنت الاطياب--والتهمه راح اتصير وب4 أرهاب
=
مريم حسين دوخت كل الناس وبحبك اشلون--وانته السبب هاليوم سهرانه العيون------شعليه بلسهران والمن تلومون--مامني كل الصوج ويه اليسهرون

[النقيب]

دارميات جميله
عاشت الايادي ورد

[محمد الساري]

[جوهرة البحر]

حلووووه

[صقر عراقي]

هذا موضوع قمة بالعظمة
بارك الله بك
كنت هنا وكم احببت ان لااخرج
يارب اعود واستمتع بهذة الدارميات الاصلية
شكرا لك يامبدع