شذكرك مو جنت اقشمر روحي اكول انسيتك
شذكرك وخليت دمعي بطولي من حاجيتك
يلخذتني بعيد بحلامك ضيـــاع
واسرتني بطوك جلمات الخـــــداع
سنين عايش بكلمة ما اذيتـــك
شذكرك مو جنت اقشمر روحي اكول انسيتك
**************
اني عفتك من شفت حبك تراب
ايطيـــر لو هب الهـــوه
ولا تضن ســــهله قرارات الغيـــاب
عذاب وموت احمر انطبكن وصارن سوه
الدمعه لو نزلت غصب من العيون اتفيد
الدمعه للمجروح تغديله دوه
ويا نوه بنص عمري زارع مستحاك
اواكحتني ومانفع زرع النوه
لجل ليلك شاتل عيوني نهار
وعينك انت تنام لو غاب الضوه
سنين تشرب من حناني بلا حمود
واني من نارك احس كلبي ارتوه
مني ما اذكر شفت مره اللهيب
وشوفتني النار وكليبي انجوه
شذكرك ورجعت تفكيري بيك
مو توني بسم الله وكلت ما فكر
توني ما فكر خذت اصعب قرار
ومن شفت رقمك كلت لا فكر
وبين اسيطر على اعصابي وبين اهيج
ايست مني وبعد ما اسيطر
انطر ابابك جنت مثل اليتيم
شحال جدمي الابد ما مل النطر
شذكرك وهيجت المواجع والحنين
وليش خليت الدمع ينزل جمر
والنظر ما ردته يرجع لو اموت
ومن سمع صوتك رجع بيه النظر
وليش خليت الصبر يشرد بعيد
وتدري بفراكك اسم عندي الصبر
راح اكابر ما اريد ارجع جديد
ليش اخلص وكتي ها ابقه انتضر
رد مع اقتباس
المشاركة الأصلية كتبت بواسطة شمس الدرر
