دليل الطلعات للعائلة بالعيد
دليل الطلعات للعائله في العيد في العراق
_______________________________
راح نبدي من من بغداد العاصمة
١.الكراده: لاتوصلولها بس ازدحامات وهي مابيها غير المطاعم وما شالله أهل المطعم يهبرون منك هاي الفلوس الزينه وتطلع مشبعان
٢. المنصور:لاتتورطون مسدوده والناس تدكها مشي وهم ازدحام٣ساعات متطلع منه
٣ الزوراء إذا عائله لاتتورط وتروح هي بس للشباب و....
٤: المعرض متكدر توصله إلا زحفاً
٥:مدينه ألعاب الإعلام ازدحام وإلا مشي يلا توصلون
٦:الحارثيه دخولها تخليك تلعن اليوم الي قررت تطلع بيه
٧ : زيونه شارع الربيعي مسدود لازم تروح بتكسي وتدكها مشي
٨:شارع فلسطين مابيها شئ سياحي
طكت روحك من بغداد
نتجه للحبانيه هي مابيها شئ بس انت ودتمشي يوكفوك تنظيم القاعدة يختبروك بمعلوماتك العامه بس همه شويه أعصاب إذا سؤال تلكأت بجوابه رأسا يكصون راسك فلاتروح
نتجه للشمال
كردستان لاتتورط الحاجه ام الألف تصير بالعيد ب١٠٠ الف هاي عدا الوضع متوتر يمهم وتشديدات امنيه ع الداخلين
الموصل لاتتورط هي ناسها زهكانه من وره الوضع الأمني الزفت
انعوف الونسه نروح نزور بالنجف وكربلاء وحتلكه مذابح وناس نايمه ع الشباك متقبل تعوفه لاتفيدهم دفعه لاتفيدهم عيطه كأنه ماكو ناس هم تريد توصل للشباك
هاي طبعا إذا كدرت تفوت وتنجي من التدافع والاختناق
يعني تدك الطريق ومتكدر تزور
أما البصره سوده عليه وين تروح بيها حتى الخليجي سحبوه منها حال الضيم حالها
وهسه بعد مانطيناكم الدليل السياحي الكم حريه القرار وين ترحون
.
.
احسن شي طلعوا بالحديقة
رد مع اقتباس
