القصيده لأحد زملائنا في وزارة الصحه
الشاعر احمد الحيدري
خذت وكت الفراغ البيه عاش اسنين .... واللدغة الابروحي انت أقلعت سمها
اجيت انت بوقت فاتحلي حلكة الموت ...... ما حسيت لن روحي انت لازمها
روحي الخضرة جانت ماتت امن أيام ...... ومر اسمك عليها وحيت مرسمها
قانون بوكفتك تعدل الميتين ...... وقضاة الشوك دونك وانت تحكمها
من بابك فتت شميت عطر الباب ..... شنو انت و عطرك البيبان تشتمها
ابدستور العشك عالكلب تحجي البيه ...... وحرام الكلمة تبقى وصدرك ايضمها
تحجيها بصدق وتكلة هاي وهاي ....... وليهمك ردودة وعيب تكتمها
انه ارتاحيت كلش بالكلام اوياك ...... وحديث اعيونك أبالي معالمها
ماكلك أحبك مو وقتها أيجوز ...... بس روحي اعترف معتازتك يمها
رد مع اقتباس
المشاركة الأصلية كتبت بواسطة محمد الساري
